బిగ్ బాస్ హౌస్ లో ఫిజికల్ టాస్క్ లో ఆధార కొట్టేసిన కంటెస్టెంట్ మెహబూబ్ గత వారం ఎలిమినేట్ అయిన సంగతి తెలిసిందే. అయితే ఎలిమినేట్ అయిన తర్వాత బయట ప్రముఖ ఎలక్ట్రానిక్ మీడియా న్యూస్ చానల్స్ కి అదేవిధంగా వెబ్ మీడియా ఛానల్స్ కి ఇంటర్వ్యూలు ఇస్తూనే ఉన్నాడు. అయితే బిగ్ బాస్ నుండి తనకి ఫోన్ రావడం జీవితంలో మర్చిపోలేని సందర్భం అని తాజాగా చెప్పుకొచ్చాడు.
సరిగ్గా లాక్ డౌన్ సమయంలో టిక్ టాక్ బ్యాన్ చేసిన క్రమంలో.. తనకి వచ్చే ఇన్కమ్ సోర్స్ మొత్తం బంద్ అయిపోయాయి అని, గుంటూరులో మా కుటుంబ సభ్యులు చేసే వ్యాపారాలు కూడా ఆగిపోయాయని ఏం చేయలేని పరిస్థితిలో బిగ్ బాస్ నుండి ఫోన్ రావడం తో షాక్ అయిపోయాను అని తెలిపారు. ఇక హౌస్ లో అనేక విషయాలు చెప్పుకొచ్చారు. అయితే ఇంటిలో ఉన్న సభ్యులు గంగవ్వ తప్ప మిగతా వాళ్ళంతా నటిస్తున్నారని మెహబూబ్ చెప్పుకొచ్చాడు.
ఇదిలా ఉండగా స్క్రిప్టు పరంగా నాలుగో సీజన్ బిగ్ బాస్ ప్రసారం అవుతున్నట్లు వస్తున్న వార్తలపై మీ కామెంట్లు ఏంటి అని యాంకర్ ప్రశ్నించగా షాకింగ్ సమాధానం ఇచ్చాడు మెహబూబ్. స్క్రిప్టు పరంగా అయితే షో జరగటం లేదని.. అలా జరిగి ఉంటే నేను రెండో వారం లోనే బయటకు వచ్చి చేయాల్సిన పరిస్థితి ఉంటుంది, కానీ 70 రోజులు హౌస్ లో ఉండటం పరంగా చూస్తే స్క్రిప్ట్ కాదు అంటూ మెహబూబ్ తెలిపాడు. కానీ ఓటింగ్ విషయంలో మాత్రం అనుమానాలు చాలా తనకి ఉన్నట్లు, బయట కూడా అదే టాక్ నడుస్తున్నట్లు షాకింగ్ కామెంట్ చేశాడు.