బిగ్ బాస్ హౌస్ లో బలమైన కంటెస్టెంట్ గా నోయల్ రాణించాడు. అనారోగ్యం ఉన్నాగాని హౌస్ లో తన శక్తి మేర రాణించి ఆడియన్స్ ను ఎంతగానో ఆకట్టుకున్నాడు. ప్రతి విషయంలో మెచ్యూరిటీ గా ఆలోచిస్తూ బ్యాలెన్సింగ్ గేమ్ ఆడటం జరిగింది. అవతల వ్యక్తి ఎంత నెగటివ్ మాట్లాడినా కానీ దాన్ని పాజిటివ్ గా తీసుకుంటూ… హౌస్ లో ఉన్నంత కాలం బాగా అలరించాడు నోయల్.
అయితే ఆర్థరైటిస్ నొప్పి కారణంగా ఇంటి నుండి వైద్యుల సలహా మేరకు బయటకు వచ్చేసిన నోయల్ ప్రస్తుతం వెబ్ మీడియా ఛానల్స్ కి ఇంటర్వ్యూలు ఇస్తున్నాడు. ఇదిలావుండగా తాజాగా లైవ్ లోకి వచ్చిన నోయల్ బిగ్ బాస్ హౌస్ అనుభవాలను తన ఫాలోవర్స్ తో పంచుకున్నాడు. ఈ నేపథ్యంలో తనకి హారిక, అభిజిత్, లాస్య లతో మంచి బాండింగ్ ఏర్పడినట్లు తెలిపాడు.
కాగా ఇంటి నుండి బయటకు వచ్చేసిన సందర్భంలో తన సూట్ కేస్ నీ హారిక మరియు కొంతమంది సర్దినట్లు… ఇంటికి వచ్చాక ఇంటి సభ్యురాలు హారిక తనకి మర్చిపోలేని మెమరీ సూట్కేసులో పెట్టినట్లు నోయల్ తెలిపాడు. తన డ్రెస్ పొడవైన సందర్భంలో తాను కట్ చేసిన పీసెస్ నీ పార్సిల్ లో పెట్టినట్లు, అదేవిధంగా ఐటెం క్వీన్ అని హారికా నీ కామెంట్ చేసిన సందర్భంలో దానిని అయ్యాం క్వీన్ అని తాను సరిదిద్దిన ఫోటోను తన లగేజ్ లో పెట్టి తనకి మర్చిపోలేని మెమరీ హారిక ఇచ్చినట్లు నోయల్ తెలిపాడు. అంతా హెల్త్ బాగుంటే బిగ్ బాస్ షో నిర్వాహకులు మళ్ళీ అవకాశమిస్తే ఇంటిలోకి వెళ్తానని నోయల్ ఈ సందర్భంగా తెలిపాడు. అంతేకాకుండా హౌస్ లో ఉన్న సమయంలో తనకు సపోర్ట్ చేసిన ప్రతి ఒక్కరికి కృతజ్ఞతలు తెలిపాడు.
