బిగ్ బాస్ సీజన్ ఫోర్ చివరి దశకు చేరుకుంది. దీంతో ఫైనల్ చేరుకోవడానికి ఇంటిలో ఉన్న సభ్యులు తీవ్రస్థాయిలో కృషి చేస్తున్నారు. ఎవరికి వారు బిగ్ బాస్ ఇస్తున్న టాస్క్ లలో బాగా రాణించడానికి ఒకరితో ఒకరు గట్టిగానే పోటీపడుతూ గొడవలకు కూడా దిగుతున్నారు. గత వారాలలో ఎన్నడూలేని విధంగా 12 వ వారం లో హౌస్ లో భారీ స్థాయిలో గొడవలు జరుగుతున్నాయి.
ఇదిలా ఉంటే ఈసారి ఎలిమినేషన్ చాలా కష్టం అనే టాక్ సోషల్ మీడియాలో వినబడుతుంది. 12వ వారం ఎవిక్షన్ పాస్ ద్వారా ఎలిమినేషన్ నుండి తప్పించుకున్నాడు అవినాష్. ఈ క్రమంలో హౌస్ లో ఆడియన్స్ తనకి తక్కువ ఓట్లు వేశారని ఇంట్లో ఉండడానికి తానూ అనర్హుడను అంటూ కొద్దిగా ఎమోషనల్ డైలాగులు ఇటీవల వేయడం జరిగింది. ప్రస్తుతం 13వ వారం లో కూడా అవినాష్ నామినేషన్ లో ఉన్నారు.
దీంతో ప్రస్తుతం ఇంటిలో నుండి ఎవరు బయటకు వెళ్తారు అనేది చాలా టఫ్ అనే టాక్ బయటకు వినబడుతుంది. ప్రస్తుతం ఇంటిలో ఏడుగురు సభ్యులు ఉండగా సోహెల్, అరియానా తప్ప అందరు నామినేషన్స్ లో ఉన్నారు. ఓట్ల పరంగా చూసుకుంటే అభిజిత్, అఖిల్, హారికలకు మంచి పట్టు ఉంది. దీంతో అవినాష్ మోనాల్ ల మధ్య ఎలిమినేషన్ ఫైట్ జరుగుతుందని తెలుస్తుంది. ముఖ్యంగా అవినాష్ ముందుకు వెళ్లి నీకన్నా నేనే స్ట్రాంగ్ అని చెప్పిన మోనాల్ ఈ వారం అవినాష్ ను వెళ్లగొట్టి హౌజ్ లో ఉండాలని అనుకుంటుంది. ఓటింగ్ పరంగా చూసుకుంటే గేమ్ చివరికి వచ్చేసరికి మోనాల్ ఓటింగ్ గ్రాఫ్ ఉన్న కొద్దీ పెరుగుతుంది. దీంతో ఈసారి ఇంటి నుండి వీరిద్దరిలో ఎవరు ఎలిమినేట్ అవుతారు అనేది అంచనా వేయడం చాలా కష్టమే అని బయట ఆడియన్స్ డిస్కషన్లు చేసుకుంటున్నారు.