బిగ్ బాస్ సీజన్ ఫోర్ క్లైమాక్స్ చేరుకోవడంతో హౌస్ లో వాతావరణం రసవత్తరంగా ఉంది. బిగ్ బాస్ ఇస్తున్న టాస్క్ లు ఇంటి సభ్యులకు చుక్కలు కనబడేలా చేస్తున్నాయి. దాదాపు సోమవారం మినహా మిగతా రోజులన్నీ ఈవారం హౌస్ లో గొడవలు అవ్వడం మనం చూశాం. ముఖ్యంగా సోహెల్ కి అరియనా కి మధ్య గొడవలు నువ్వానేనా అన్నట్టుగా జరిగాయి.
టామ్ అండ్ జెర్రీ లా హౌస్ లో ఇద్దరి మధ్య గొడవలు జరుగుతున్నాయి. ఇదిలా ఉండగా ఈ వారం ఎలిమినేషన్ కి నామినేట్ అయిన వారిలో హారిక, అభిజిత్, సోహైల్, అరియనా, మోనాల్ ఉండగా ఓటింగ్లో పోటాపోటీ హారిక… మోనాల్ మధ్య నువ్వా నేనా అన్నట్టు గా ఉందట. ఇటువంటి తరుణంలో హారిక ని సపోర్ట్ చేయడం కోసం బయట ముగ్గురు భారీ స్థాయిలో క్యాంపెయిన్ చేస్తున్నట్లు సోషల్ మీడియాలో టాక్ వస్తోంది.
మేటర్ లోకి వెళ్తే ఈ సీజన్లో స్టార్టింగ్ లో బాగా పేరు తెచ్చుకున్న గంగవ్వ, సుజాత ఇద్దరూ కూడా హారిక కి ఓటు వెయ్యాలని సోషల్ మీడియాలో వీడియో లు పెడుతూ ఆడియన్స్ ని కోరుతున్నారు. అంతేకాకుండా సీజన్ త్రీ లో కంటెస్టెంట్ శివజ్యోతి కూడా హారిక కి సపోర్ట్ చేస్తూ ఆమెకు ఓటు వేయాలని.. టాప్ ఫైవ్ లోకి హారిక ని తీసుకెళ్లాలని నెటిజన్లను ఆడియన్స్ ని కోరుతూ ఉంది. మరోపక్క నోయల్ కూడా హారిక కోసం కష్టపడుతున్నట్లు తెలుస్తోంది. ఏది ఏమైనా విల కష్టం ఫలిస్తే మాత్రం ఈసారి ఇంటి నుండి మోనాల్ ఎలిమినేట్ అవటం గ్యారెంటీ అని సోషల్ మీడియా టాక్. మరి ఈ వారం ఇంటి నుండి ఎవరు ఎలిమినేట్ అవుతారో, ఎవరు టాప్ ఫైవ్ లో ఎవరు వెళ్తారో చూడాలి.