పదో వారంలో షో చాలా రసవత్తరంగా సాగుతోంది. నామినేషన్ ప్రక్రియ లో ఇంటి సభ్యులు అంతా అరియనా నీ టార్గెట్ చేయటంతో ఆమె తట్టుకోలేక పోయింది. కెమెరాల ముందు బోరున ఏడ్చి ఇంటి నుండి బయటకు పంపించేయాలని వేడుకొంది. అవినాష్ మినహా ఇంటిలో ఉన్న సభ్యులంతా అరియానాను టార్గెట్ చేయటంతో హౌస్ లో తాను ఒంటరిగా అయిపోయినట్లు తెగ బాధపడిపోతూ వెక్కి వెక్కి ఏడ్చింది.
ఇదిలా ఉండగా ఈ రోజు జరగబోయే ఎపిసోడ్ లో కెప్టెన్సీ టాస్క్ ఆడించడానికి బిగ్ బాస్ రెడీ అయినట్లు ప్రోమో బట్టి తెలుస్తుంది. కాగా దీనిలో భాగంగా బాస్కెట్ బాల్ గేమ్ పెట్టడం జరిగింది. కనబడుతున్న ప్రోమో బట్టి చూస్తే బిగ్ బాస్ గట్టిగానే ట్విస్ట్ పెట్టినట్టు కనిపిస్తోంది. కాని రిజల్ట్ మాత్రం చాలా ఘోరంగా కనిపించినట్లు తెలుస్తోంది.
కెప్టెన్సీ టాస్క్ లో రిజల్ట్ ఎవరికి దక్కలేదని అర్థమవుతుంది. ఇటువంటి పరిస్థితుల్లో స్టార్ కంటెస్టెంట్ అఖిల్ ని బిగ్ బాస్ సీక్రెట్ రూమ్ లోకి పిలవటం తో ఆడియెన్స్ లో ఉత్కంఠత నెలకొంది. మొత్తని బట్టి చూస్తే టాస్క్ లు గతంలో మాదిరిగా ఉండటంతో ఈసారి అఖిల్ సీక్రెట్ రూమ్ నుండి గత సీజన్లో అలీ రెజా, పునర్నవి వెళ్లిన ఓ డిఫరెంట్ ప్లేస్ లోకి వెళ్లే అవకాశం ఉందని బయట జనాలు అంచనా వేస్తున్నారు. లేకపోతే ఇంటిలో ఉన్న సభ్యుల నిజస్వరూపాలు తెలుసుకొని ఆటతీరు వీడియోలు ఏమైనా బిగ్ బాస్ ప్లే చేసే అవకాశముందని అనుకుంటున్నారు.
