నాలుగో సీజన్ బిగ్ బాస్ హౌస్ లో గ్లామర్ తరహాలో ప్రేక్షకులను బాగా ఎట్రాక్ట్ చేసింది మోనాల్. గుజరాతి అమ్మాయి అయినా కానీ హౌస్ లో తెలుగు ప్రేక్షకులను బాగా అలరించింది. ఆరంభంలో ప్రతి చిన్నదానికి ఏడ్చిన చివరిలో మాత్రం చాలా మెచ్యూర్ గేమ్ ఆడుతూ ఊహించని విధంగా ఓటింగ్ రాబడుతోంది. ముఖ్యంగా అఖిల్ అభి తో చాలా క్లోజ్ గా ఉంటూ… ఈ సీజన్లో హౌస్ లో రొమాంటిక్ వాతావరణం ఎపిసోడ్ వుండేలా వ్యవహరించింది.
కాగా గడిచిన 14 వారాల్లో దాదాపు పన్నెండు సార్లు ఎలిమినేషన్ కి నామినేట్ అయిన మోనాల్ ఈ వారంలో కూడా ఎలిమినేషన్ లో ఉంది. అయితే నెక్స్ట్ వారం ఫినాలే వీక్ అయిన నేపథ్యంలో హారిక, మోనాల్ మధ్య పోటా పోటీ నువ్వానేనా అన్నట్టుగా ఉంది. ఇటువంటి తరుణంలో మోనాల్ కి ఒక గొప్ప అవకాశం ఒకరకంగా గోల్డెన్ ఛాన్స్ దక్కింది అని టాక్ సోషల్ మీడియాలో వినబడుతోంది.
అదేమిటంటే అఖిల్ సార్థక్ ఎలిమినేషన్ జోన్ లో లేకపోవటంతో అతని అభిమానులంతా మోనాల్ కి ఓటు వేస్తున్నారని దానితో ఆమెకు భారీ స్థాయి ఓటింగ్ దక్కుతూ ముందుకు దూసుకెళుతోంది అనే వార్తలు సోషల్ మీడియాలో వినబడుతున్నాయి. ఏది ఏమైనా చాలా సందర్భాల్లో అఖిల్ కి మోనాల్ ఫుల్ సపోర్ట్ ఇవ్వటంతో ఆయన ఫ్యాన్స్ మోనాల్ ని ఎలా అయినా ఫైనల్ వీక్ లో ఉండేలా బాగా ఓట్లు వేస్తున్నట్లు వార్తలు వినబడుతున్నాయి. మరి ఈవారం ఎలిమినేషన్ ఏ విధంగా ఉంటుందో చూడాలి.