బిగ్ బాస్ సీజన్ ఫోర్ ఆట ఇంకా 5 వారాలు మాత్రమే మిగిలి ఉంది. ఇంటిలో ఉన్న సభ్యులు ఎవరికి వారు స్ట్రాటజీ వేసుకుంటూ వ్యవహరిస్తున్నారు. అభిజిత్ మైండ్ గేమ్ సెకండ్ లెవెల్ లో అన్నట్టు ప్రతి ఒక్కరి తో మాట్లాడుతూ కరెక్ట్ కాన్వర్జేషన్ పెట్టి ట్రిగ్గర్ పాయింట్ బయటపడేలా వారి నోటా నుండే మాటలు బయటకు రప్పిస్తున్నడు.
అఖిల్ సీక్రెట్ రూమ్ లో ఉండగా ఆఖరి బంతి టాస్క్ గురించి సోహెల్ మహబూబు తో చర్చ పెట్టి సీక్రెట్ రూమ్ లో ఉన్న అఖిల్ కి దిమ్మతిరిగే ఈ విధంగా అభిజిత్ వ్యవహరించటం గురువారం ఎపిసోడ్ కే హైలెట్ గా మారింది. ఇదిలా ఉండగా ఇంటి లో ఉన్న సభ్యులు తమ జీవితంలో జరిగిన ఓ సంఘటన యదార్థమైన సీక్రెట్ ఎవరికి తెలియనిది తెలియజెప్పాలని అప్పుడు ఇంటి నుండి లెటర్ వస్తుందని చెప్పటంతో మొదట కన్ఫెషన్ రూమ్లోకి వెళ్లిన మెహబూబ్ మాట్లాడుతూ.. “నా బెస్ట్ ఫ్రెండ్ను రైల్వే స్టేషన్ దగ్గర డ్రాప్ చేశాను.
ఆమె కోసం టికెట్ తీసుకోడానికి లోపలకు వెళ్లాను. అయితే హడావుడిలో రాంగ్ ప్లేస్లో బండి పార్క్ చేశాను. దీంతో అక్కడ పోలీసులు అమ్మాయిని అనుమానిస్తూ ప్రశ్నల వర్షం కురిపిస్తున్నారు. నేను వెళ్లేసరికి ఆమె చుట్టూ పోలీసులు రౌండప్ చేయడంతో ప్రశ్నల వర్షం కురిపించడంతో ఆమె ఏడుస్తుండటంతో పోలీసుల మీదకు తిరగబడ్డాను. అప్పుడు వాళ్లు నా కాలర్ పట్టుకుని లాఠీలతో కొట్టారు. నన్ను, అమ్మాయిని స్టేషన్కు తీసుకెళ్లారు. అమ్మాయిని వెంటనే వదిలేశారు. కానీ నన్ను మాత్రం రెండు రోజుల వరకు పోలీస్ స్టేషన్ నుంచి పంపించలేదు” అని చెప్పుకొచ్చాడు. దీంతో సీక్రెట్ రూమ్ లో ఉన్న అఖిల్.. మెహబూబ్ చెప్పిన స్టొరీ కి ఫిదా అయ్యి అతడికి లెటర్ పంపించడం జరిగింది.