బిగ్ బాస్ సీజన్ 4 దిగ్విజయంగా ప్రసారమవుతుంది. ఒకపక్క ఐపీఎల్ మ్యాచ్లు జరుగుతున్న గాని షో కి ఏ మాత్రం ఆదరణ తగ్గటం లేదు. రికార్డు స్థాయిలో గత సీజన్లకు భిన్నంగా ఈ సీజన్ టిఆర్పి రేటింగ్ లలో దూసుకుపోతుంది. ఇదిలా ఉండగా హౌస్ లో బిగ్ బాస్ ఇస్తున్న టాస్క్ లు పై బయట నెగిటివిటీ బాగా పెరిగిపోయింది.
సీజన్లు మారుతున్నా గాని టాస్క్ లలో కొత్తదనం లేదని ఆడియాన్స్ అంటున్నారు. ఫిజికల్ టాస్క్ లలో అమ్మాయిలతో అబ్బాయి లు ఆడటం ఏంటి అని మండిపడుతున్నారు. ఇటీవల కెప్టెన్సీ టాస్క్ లలో ఇద్దరమ్మాయిలతో ఒక మగ వారికి టాస్క్ ఇవ్వటం అనేది దారుణమని అమ్మాయిలు ఇబ్బందిగా ఫీల్ అవుతారని నెటిజనులు సోషల్ మీడియాలో కామెంట్లు చేస్తున్నారు.
రింగు లో రంగు అనే కెప్టెన్సీ టాస్క్ లో చోటుచేసుకున్న సన్నివేశాలు చూసి చాలా మంది జనాలు బిగ్ బాస్ షో నిర్వాహకులపై విమర్శలు చేస్తున్నారు. ప్రతి సీజన్ లో అవే టాస్క్ లు ఇవ్వటం వలన.. షో పై ఇంట్రెస్ట్ కలగడం లేదని కొత్తగా టాస్క్ లు ఇస్తే బాగుంటుంది అని అంటున్నారు. అదేవిధంగా ఫిజికల్ టాస్క్ ఇచ్చే విషయంలో కూడా కొంచెం ఆలోచిస్తే బాగుంటుంది ఆడియన్స్ బిగ్ బాస్ షో నిర్వాహకులకు సూచిస్తున్నారు. ఈ సీజన్లో వైల్డ్ కార్డ్ ఎంట్రీ అదేవిధంగా హౌస్ లో ఎంటర్టైన్మెంట్ కార్యక్రమాలు అంతా బాగున్నా…టాస్క్ విషయాలలో దెబ్బ పడిపోయిందని చాలా మంది అభిప్రాయపడుతున్నారు.
