హౌస్ లో ఉన్న ఇంటి సభ్యులందరిలో ప్రేక్షకులను బాగా ఎంటర్టైన్ చేస్తున్న కంటెస్టెంట్ ఎవరు అని చెప్తే ఖచ్చితంగా ప్రతి ఒక్కరూ చెప్పే పేరు అవినాష్. తన మిమిక్రి తో పంచ్ డైలాగులతో అమ్మాయిలతో సరదా సరదా సంభాషణలతో హౌస్ లో అవినాష్ ఆడుతున్న గేమ్ చాలా మందిని ఆకట్టుకుంటుంది. పక్కా స్టార్ట్ జీవితం తాను మాట్లాడే పాయింట్ పై ఫుల్ కాన్ఫిడెన్స్ తో ప్రతి వాగ్వాదం లో అవినాష్ మాట్లాడుతూ…చాలావరకు టైటిల్ గెలుచుకునే అర్హతలు తనకి ఉన్నాయి అన్నట్టుగా నిరూపించుకుంటూ గేమ్ ఆడుతున్నాడు.
ఇదిలా ఉండగా తాజాగా కెప్టెన్సీ టాస్క్ లో కెప్టెన్ గా ఎన్నికైన అవినాష్… హౌస్ లో కొత్త రూల్స్ ప్రవేశపెట్టడం సోషల్ మీడియాలో పెద్ద హాట్ టాపిక్ అయింది. తను కెప్టెన్ గా ఎన్నికవ్వటం అనంతరం అరియనా కూడా కెప్టెన్ అయినట్లేనని వెల్లడించాడు. తర్వాత ఆమెను రేషన్ మేనేజర్ గా ఎన్నుకున్నాడు. ఆ తర్వాత ఆ ఇంటిలో ఎవరైనా మైక్ మర్చిపోతే…. 50 సార్లు మైక్ మర్చిపోయానని చెప్పాలని ఆదేశించాడు.
హౌస్ లో ఎవరైనా రెండు సార్లు కన్నా ఎక్కువ నిద్రపోతే రెండు సార్లు స్విమ్మింగ్ పూల్ లో దూకాలి…, తెలుగులో మాట్లాడకపోతే కెమెరా దగ్గరకు వెళ్లి ఇంకొకసారి ఇంగ్లీష్ లో మాట్లాడను అని చిన్నపిల్లాడిలా నటిస్తూ చెప్పాలని కొత్త కెప్టెన్ అవినాష్ కొత్త రూల్స్ హౌస్లో ప్రకటించాడు. వీటన్నిటికీ ఇంటి సభ్యులు కూడా ఓకే చెప్పడం విశేషం. పరిస్థితి ఇలా ఉండగా సరైన రూల్స్ బిగ్ బాస్ కంటే అవినాష్ రూల్స్ బాగున్నాయని సోషల్ మీడియాలో జనాలు చెప్పుకుంటున్నారు. తెలుగు బిగ్ బాస్ అయినా గాని చాలా మంది ఇంగ్లీష్ లో మాట్లాడుతున్నారని… అవినాష్ కొత్తగా ప్రవేశ పెట్టిన రూల్స్ 100కి 100 శాతం కరెక్ట్ అని చెప్పుకొస్తున్నారు.