తెలుగులో బిగ్ బాస్ నాలుగో సీజన్ ప్రసారం అవుతున్న సంగతి తెలిసిందే. గత సీజన్ల కు భిన్నంగా టిఆర్పి రేటింగ్ లలో సరికొత్త రికార్డులు ప్రస్తుత సీజన్ సృష్టిస్తుంది అనే వార్తలు వస్తున్నా, గాని సాధారణ రోజులలో షో కి పెద్దగా ఆదరణ దక్కటం లేదని బయటకు టాక్. స్క్రిప్టు పరంగా షో ప్రసారం అవుతుందని, ఎవరైతే ఇంటిలో యాజమాన్యానికి తిరగబడే విధంగా వ్యవహరిస్తారో వారందరిని ఎలిమినేషన్ ప్రారంభంలో ఇంటి నుండి పంపించేశారు అంటూ బిగ్ బాస్ ఎలిమినేషన్ ప్రక్రియ పై అనేక విమర్శలు రావటం మనం అందరం చూశాం.
టీవీ9 యాంకర్ దేవి నాగవల్లి, కుమార్ సాయి ఎలిమినేట్ కావాల్సిన వారు కాదని అసలు మోనాల్ ఇంటి నుండి ఎప్పుడో వెళ్ళవలసిన కాండిడేట్ అని అదేవిధంగా మెహబూబ్ కూడా దేవి నాగవల్లి వెళ్లాల్సిన సమయం లో క్యాండిడేట్ అని వాళ్లంతా ఇప్పటివరకు షో లో ఉన్నారంటే కారణం బిగ్ బాస్ స్క్రిప్ట్ అని అనేక విమర్శలు ఆరోపణలు వచ్చాయి.
ఇదిలా ఉండగా హౌస్ లో బిగ్ బాస్ ఇస్తున్నా టాస్క్ లు గతంలో చూసినవే అన్న విమర్శలు కూడా వస్తున్నాయి. కాగా తాజాగా 11వ వారం లో కెప్టెన్సీ టాస్క్ విషయంలో ఒకరి భుజాలపై మరొకరు కూర్చోవడం టాస్క్ చూసిన నెటిజన్లు తెలుగు బిగ్ బాస్ పై విమర్శల వర్షం కురిపిస్తున్నారు. పక్కన తమిళ్ బిగ్ బాస్ షో లో సెకండ్ వారంలో కెప్టెన్సీ టాస్క్ ఇదే అని.. అక్కడ కాపీ చేసి ఇక్కడ టాస్క్ పెట్టడం దారుణమని ఆడియన్స్ అంటున్నారు. ఏదైనా కొత్త కాన్సెప్ట్ తో షో నిర్వాహకులు ఆలోచిస్తే బాగుంటుందని సూచిస్తున్నారు.