బిగ్ బాస్ సీజన్ ఫోర్ క్లైమాక్స్ కి చేరుకుంది. ఇంటిలో ఆరుగురు సభ్యులు మాత్రం మిగిలి ఉన్నారు. దీంతో ఈ వారం ఎలిమినేషన్ ఎపిసోడ్ చాలా రసవత్తరంగా సాగుతుందని ఆడియన్స్ అంచనాలు వేసుకుంటున్నారు. మరోపక్క ఈసారి ఇంటి నుండి ఎవరు ఎలిమినేట్ అవుతారు అన్న విషయం బయటకు రాకుండా బిగ్ బాస్ షో నిర్వాహకులు చాలా జాగ్రత్తలు పడుతున్నారు.
పరిస్థితి ఇలా ఉండగా ఇంటిలో ఫైనల్ వారానికి ముందు వారం అయినా ఈ వారం లో హౌస్ లో జరుగుతున్న పరిణామాలు సోషల్ మీడియాలో వైరల్ గా మారుతున్నాయి. ముఖ్యంగా మొదటి నుండి టాప్ కంటెస్టెంట్ గా ఓ వెలుగు వెలుగుతున్న సోహెల్ కి ఇంటిలో ఉన్న సభ్యులతో గొడవలు జరగటం అతనిపై నెగిటివిటీ సోషల్ మీడియాలో ప్రచారం అవుతోంది.
అరియనా తో రెండు సార్లు గొడవ పడటం బుధవారం జరిగిన ఎపిసోడ్ లో బొమ్మ గురించి మనుషులను లెక్కచేయరు అంటూ సోహైల్ ఆమెపై భారీ స్థాయిలో సీరియస్ అవ్వటం పట్ల బయట నెటిజన్లు సెటైర్లు వేస్తున్నారు. అరియనా పై బొమ్మ కోసం గొడవపడి కన్ఫెషన్ రూమ్ లో మెహబూబ్ ఇచ్చిన లాకెట్ గురించి మాట్లాడటం పై సెటైర్లు వేస్తున్నారు. సెంటిమెంట్ ఎవరికైనా ఉంటుంది అది అర్థం చేసుకోవాలి సోహెల్ అంటూ అరియనా పై అతను ప్రవర్తించిన తీరుకు మండిపడుతున్నారు. అంతా బాగానే ఉన్నా గానీ సోహెల్ చివరి వారంలో తనలో ఉన్న కోపాన్ని తగ్గించుకో లేకపోవటం పట్ల భారీ స్థాయిలో విమర్శలు వస్తున్నాయి.
