బిగ్ బాస్ హౌస్ ప్రస్తుతం దెయ్యాల అరుపులతో గోలగోలగా ఉంది. ఇంటిలో ఉన్న ఏడుగురు సభ్యులను బిగ్ బాస్ దెయ్యాలతో ఆట ఆడుకుంటున్నారు. రకరకాల హర్రర్ సౌండ్ లతో హౌస్ లో ఉన్న వారిని బిగ్ బాస్ టెన్షన్ పెట్టేస్తున్నారు. కండలు తిరిగిన సోహెల్, అఖిల్ కూడా భయపడాల్సిన పరిస్థితి ఉండేలా బిగ్ బాస్ వ్యవహరించారు.
ఇదిలా ఉండగా ఇంటిలో దెయ్యంగా అద్దంలో కనబడింది రీ ఎంట్రీ కంటెస్టెంట్ అని ఓ వార్త సోషల్ మీడియాలో చక్కర్లు కొడుతోంది. పూర్తి మేటర్ లోకి వెళ్తే ఇంటి నుండి అనారోగ్యం కారణంగా వెళ్లిపోయిన నోయల్.. దయ్యం రూపంలో ఉన్నారని చెప్పుకొస్తున్నారు. ముఖ్యంగా ఇటీవల సోషల్ మీడియాలో ఎప్పటికప్పుడు అభిమానుల తో చిట్ చాట్ చేస్తున్న నోయల్ మళ్లీ తిరిగి హౌస్ లోకి వెళ్ళబోతున్నటు ప్రకటించినట్లు వార్తలు వస్తున్నాయి.
సోషల్ మీడియాలో ఇటీవల నోయల్ తన అకౌంట్లో ‘దా గేమ్ స్టిల్ ఆన్’ ఈసారి వెళ్తే మామూలుగా ఉండదు. అద్భుతమైన అవకాశం కోసం ఎదురుచూస్తున్నా.. ఏదైనా జరగొచ్చు.. నన్ను ఎంతగానో సపోర్ట్ చేస్తున్నారు.. ది గేమ్ ఈజ్ స్టిల్ ఆన్. వాడి పని అయిపోయింది అనుకున్నవాడు మళ్లీ తిరిగి వస్తే ఆ కిక్ వేరేలా ఉంటుంది. త్వరలో డీటైల్స్ అందిస్తా మళ్లీ కలుద్దాం’ అంటూ తన ఇన్ స్టాగ్రామ్లో వీడియో విడుదల చేశాడు నోయల్. దీంతో ఈ క్షణంలో అయినా నోయల్ ఎంట్రీ హౌస్ లో ఉండే అవకాశం ఉందని సోషల్ మీడియాలో బయట జనాలు చెప్పుకుంటున్నారు.