బిగ్ బాస్ సీజన్ ఫోర్ ఫైనల్ వీక్ రన్ అవుతున్న సంగతి తెలిసిందే. గత వారం మోనాల్ ఎలిమినేట్ కావటంతో మిగతా సభ్యులు టాప్-5లో కి వెళ్ళిపోయారు. దీంతో టైటిల్ విన్నర్ కోసం ఎవరికివారు కష్టపడుతూ రాణిస్తున్నారు. ఇప్పటికే సోమవారం ఎపిసోడ్ జరిగిపోవడంతో మిగిలిన రోజులలో ఎలాగో అలాగా కష్టపడుతూ ప్రేక్షకుల మన్ననలు పొందాలని హౌస్ లో ఉన్న కంటెస్టెంట్ లు బిగ్ బాస్ ఇస్తున్న టాస్క్ లలో తమ శక్తికి మించి రాణిస్తున్నారు.
ఇదే క్రమంలో హౌస్ లో తమ ఫేవరెట్ కంటెస్టెంట్ ల కోసం బయట ఉన్న సపోర్టర్లు ఎలాగోలాగా గెలిపించుకోవడం కోసం సోషల్ మీడియాలో బాగా కష్ట పడుతున్నారు. వారికి సంబంధించిన పోస్టులు అదేవిధంగా పర్సనల్ విషయాలు వీడియోలు షేర్ చేస్తూ టైటిల్ విన్నర్ తమ కంటెస్టెంట్ కే దకే రీతిలో హడావిడి స్టార్ట్ చేశారు.
ఇదిలా ఉండగా ఈ సీజన్ స్టార్ట్ అయిన నాటి నుండి టైటిల్ విన్నర్ విషయం వచ్చేసరికి చాలావరకు ప్రముఖులు గ్యారెంటీ అభిజిత్ విన్ అవుతాడని చెబుతున్నారు. అంతేకాకుండా సోషల్ మీడియాలో నార్మల్ నెటిజన్లు కూడా ఇదే చెబుతున్నారు. కాగా లాస్ట్ వీక్ ఓటింగ్ పరంగా ఎవరికి ఎక్కువ ఓట్లు వస్తే వాళ్ళు విజయం సాధించే పరిస్థితి నెలకొనడంతో అభిజిత్ గెలవాలని టాలీవుడ్ యంగ్ హీరో విజయ్ దేవరకొండ రంగంలోకి దిగారు. అభి ఈసారి టైటిల్ విన్నర్ అవ్వాలని కోరుకుంటున్నట్లు సోషల్ మీడియాలో పోస్ట్ పెట్టి సపోర్ట్ చేశారు. విజయ్ దేవరకొండ పెట్టిన పోస్ట్ కి మంచి రెస్పాన్స్ వస్తోంది.
