Nagarjuna : అక్కినేని నాగార్జున నటించబోతున్న సినిమా బంగార్రాజు. 2019లో వచ్చి బ్లాక్ బస్టర్ హిట్ సాధించిన సోగ్గాడే చిన్ని నాయన సినిమాకి ప్రీక్వెల్ గా ఈ సినిమా తెరకెక్కించనున్నాడు యంగ్ డైరెక్టర్ కళ్యాణ్ కృష్ణ కురసాల. సోగ్గాడే చిన్ని నాయన కంటే మంచి స్క్రిప్ట్తో ఈ డైరెక్టర్ బంగార్రాజు సినిమాను రూపొందించబోతున్నాడు. అనూప్ రుబెన్స్ ఇప్పటికే సాంగ్స్ కంపోజ్ చేసి రెడీగా ఉన్నాడు. ఈ సినిమాలో నాగార్జునతో పాటు ఆయన తనయుడు యువ సామ్రాట్ అక్కినేని నాగ చైతన్య కూడా నటిస్తున్నాడు. ఇద్దరు ఈ సినిమాలో కనిపించే సీన్స్ అద్భుతంగా ఉంటాయట.
ఇక ఇందులో నాగార్జునకి జంటగా సీనియర్ హీరోయిన్ రమ్యకృష్ణ నటిస్తుండగా, నాగ చైతన్యకి జంటగా ఉప్పెన బ్యూటీ కృతి శెట్టి నటించబోతుందని టాక్ వినిపిస్తోంది. కాగా ఈ సినిమాలో బిగ్ బాస్ బ్యూటీ దివి వద్యాకి నటించే అవకాశం దక్కిందని అంటున్నారు. ఇప్పటికే దివి మెగాస్టార్ నటించనున్న వేదాళం రీమేక్ లో నటించే అవకాశం అందుకుంది. బిగ్ బాస్ గ్రాండ్ ఫినాలేలోనే ఒకేసారి అటు మెగాస్టార్ ని ఇటు నాగార్జునని ఆకట్టుకుంది. దాంతో స్టేజ్ మీదే మెగాస్టార్ దివికి ఆఫర్ ఇచ్చాడు. ఇందులో ఆమెకి ఓ పోలీస్ పాత్ర ఇచ్చారు.
Nagarjuna : నాగార్జునకి దివి మరదలిగా నటిస్తుందా..?
కాగా ఇప్పుడు నాగార్జున బంగార్రాజులో కూడా దివికి నాగార్జున అవకాశం ఇచ్చాడట. సోగ్గాడే చిన్ని నాయానా సినిమాలో అనసూయ, అనుష్క గెస్ట్ రోల్స్ లో నటించిన సంగతి తెలిసిందే. అనసూయ నాగార్జునకి మరదలిగా నటించి ఆకట్టుకుంది. ఇప్పుడు బంగార్రాజులో దివి కూడా మంచి ఆఫర్ అంటున్నారు. మరి నాగార్జునకి దివి మరదలిగా నటిస్తుందా లేక నాగ చైతన్యకి మరదలిగా నటిస్తుందా చూడాలి. ఇక నాగార్జున ఇటీవలే ప్రవీణ్ సత్తారు దర్శకత్వంలో ఓ యాక్షన్ ఎంటర్టైనర్ చేస్తుండగా తాజాగా సెట్స్ మీదకి వచ్చింది. ఇందులో కాజల్ అగర్వాల్ హీరోయిన్ గా నటిస్తోంది.