BIGG BOSS TELUGU BREAKING: తెలుగు బుల్లితెర ప్రేక్షకులను ఎంటర్ టైన్ చేయడానికి బిగ్బాస్ సీజన్ 5 లాంఛనంగా ప్రసారం కావడానికి సిద్ధమైంది. సెప్టెంబర్ 5వ తేదీ నుంచి సీజన్ 5 ప్రారంభించనున్నామని ఇప్పటికే స్టార్ మా అధికారికంగా ప్రకటించింది. దాంతో బిగ్బాస్ అభిమానులందరూ ఆనందంతో ఉబ్బితబ్బిబ్బయ్యారు. వారం రోజుల్లో తమకిష్టమైన షో ప్రసారం కాబోతోందని ఇప్పటికే సామాజిక మాధ్యమాల్లో సందడి చేస్తున్నారు. ఈ నేపథ్యంలోనే వారికి షాకిచ్చే న్యూస్ వెలుగులోకి వచ్చింది.
అదేంటంటే, సీజన్ 5 కోసమని ఎంపిక చేసిన ఇద్దరు కంటెస్టెంట్లకు కోవిడ్-19 పాజిటివ్గా నిర్ధారణ అయ్యిందట. దాంతో ముందుగా ప్రకటించిన తేదీకి షో ప్రారంభం అవుతుందా అనే సందేహాలు వ్యక్తమవుతున్నాయి. ప్రస్తుతానికి కంటెస్టెంట్లు అందరూ క్వారంటైన్లో ఉన్నారని సమాచారం. కాగా ఈ నేపథ్యంలోనే ఇద్దరు కంటెస్టెంట్లకు కరోనా సోకినట్లు తేలింది. దాంతో వారి స్థానంలో ఇతరులను హౌజులోకి పంపిస్తారా? లేక షోని వాయిదా వేస్తారా? తెలియాలంటే కొద్ది రోజులు వేచి చూడాల్సిందే.