బిగ్ బాస్ సీజన్ ఫోర్ క్లైమాక్స్ కి చేరుకుంది. హౌస్ లో వాతావరణం చూస్తే నువ్వానేనా అన్నట్టుగా ఇంటి సభ్యుల మధ్య పోటీ భారీ స్థాయిలో ఉంది. ఆరుగురు సభ్యులు మాత్రమే హౌస్లో మిగిలి ఉండటంతో టాప్ ఫైవ్ చేరటానికి తెగ కష్టపడుతున్నారు. అయితే ఈ వారం ఎలిమినేషన్ అయే చివరి వారం కావడంతో… ఇంటి నుండి ఎవరు ఎలిమినేట్ అవుతారు అనే దాని విషయంలో సోషల్ మీడియాలో రకరకాల చర్చలు జరుగుతున్నాయి.
మొత్తంమీద చూసుకుంటే ఈ వారం ఇంటి నుండి ఓటింగ్ పరంగా మోనాల్ లేదా హరిక ఎలిమినేట్ అయ్యే చాన్స్ ఉందని అంటున్నారు. ఇదిలా ఉండగా ఈ సీజన్ స్టార్ట్ అయిన నాటి నుండి షోలో ఏం జరుగుతుంది బిగ్ బాస్ ఇస్తున్న టాస్క్ లు ఏంటి. వీకెండ్ ఎపిసోడ్ లో ఎవరు ఎలిమినేట్ అవుతున్నారు, ఎవరు ఎవరితో గొడవలు పడుతున్నారు వంటి విషయాలు షో ప్రసారం అవ్వకముందే సోషల్ మీడియాలో వచ్చేస్తు సంగతి తెలిసిందే.
ఈ నేపథ్యంలో ఈసారి హౌస్ లో చాలావరకు ఎలిమినేట్ అవుతారని భావించిన కంటెస్టెంట్ మొట్టమొదటిసారి సేఫ్ జోన్ లోకి వెళ్లిపోయినట్లు లీక్ వీరుల వార్తలు సోషల్ మీడియాలో ప్రత్యక్షమవుతున్నాయి. దీంతో ఈ వార్త విని చాలా మంది నెటిజన్లు ఈవారం ఇంటిలో అందరికంటే బాగా పోరాడింది ఆరియనా ఆమె సేఫ్ అవ్వటం నిజంగా చాలా సంతోషమని అంటున్నారు.
