ఈ సీజన్ బిగ్ బాస్ షోలో ఎలిమినేషన్ విషయంలో ఎప్పుడూ విమర్శలు వస్తూనే ఉన్నాయి. బయటికి వెళ్లి కంటెస్టెంట్ ఎవరు అనే విషయం పై గందరగోళం జరుగుతూనే ఉంటుంది. జనాల అభిప్రాయం మేరకు కాకుండా బిగ్బాస్ ఓటింగ్ కు తగ్గట్టు తమకు నచ్చిన వ్యక్తిని కాపాడుతూ పక్షపాత ధోరణి చూపిస్తున్నారని అనేక కామెంట్లు వినిపిస్తున్నాయి. ముఖ్యంగా దేవి, కుమార్ సాయి, దివి ల ఎలిమినేషన్ విషయంలో ప్రజల నిర్ణయానికి వ్యతిరేకంగా జరిగిందని అందరూ మండిపడ్డారు.
ఇక ఈ ఎలిమినేషన్ విషయంపై లీకులు కూడా భారీగానే ఉంటాయి. అసలు ఎలిమినేషన్ అంటే సస్పెన్స్ ఉండాలి కానీ ఒక రోజు లేదా రెండు రోజులు ముందే ఎవరు ఎలిమినేట్ అయిపోతున్నారు అని భారీస్థాయిలో లీకులు వచ్చేస్తున్నాయి. అయితే ఈ లీకుల వల్ల పెద్ద గందరగోళం కూడా ఏర్పడుతుంది. అనూహ్యంగా మూడోవారంలో మెహబూబ్ ఎలిమినేట్ అయ్యాడు అని అన్నారు కానీ దేవి నాగవల్లి వెళ్లిపోయింది.
అలాగే 13వ వారం లో అవినాష్, మోనాల్ లో ఒకరు ఎలిమినేట్ అవుతారని అనుకున్నారు. అంచనాలకు తగ్గట్టు మోనాల్ ఎలిమినేట్ అయిపోయింది అని వార్తలు వచ్చాయి కానీ ఎంతో షాకింగ్ గా ఈసారి అవినాష్ ఇంటి నుండి బయటకు వెళ్తున్నాడు అని పక్కా సమాచారం ఇంటర్నెట్ లో చక్కర్లు కొడుతోంది. మోనాల్ ఎలిమినేట్ అని ప్రచారంలోకి వచ్చిన రెండు గంటల తర్వాత అవినాష్ పేరు తెర మీదకు వచ్చింది.
మోనాల్ చివరి స్థానంలో ఉన్నప్పటికీ ఎప్పటిలాగే ఆమె ను కాపాడేందుకు అవినాష్ ను ముంచేశారని చాలామంది ఫైర్ అవుతున్నారు. అయితే ముందు బిగ్బాస్ యూనిట్ కావాలనే మోనాల్ పేరును బయటకు లీక్ చేశారని ఎందుకంటే ఎవరు అసలు ఈ లీకులు బయటకు ఎలా వెళ్తున్నాయి తమ విషయాలను ఎవరికీ చెబుతున్నారో తెలుసుకుందామని ఒక ట్రయల్ వేశారని అంటున్నారు. నిజానికి అవినాష్ వాస్తవంగా ఎలిమినేట్ అయ్యాడు బిగ్బాస్ కావాలని ఇలా స్కెచ్ వేసి అలా ఇన్ఫర్మేషన్ ఎవరూ ఇస్తున్నారో తెలుసుకుందామని ఈ పనిచేశారట. కానీ జనాలు మాత్రం మోనాల్ బదులు అవినాష్ వెళ్తున్నాడు అని గగ్గోలు పెడుతున్నారు.