బిగ్బాస్ ఇంటిలో మొదట్లో దేత్తడి హారిక వచ్చినప్పుడు కొద్ది వారాలు సందడి చేసి వెళ్లిపోతుంది అని అందరూ అనుకున్నారు. అయితే క్రమంగా ఆమె తన పట్టుదల, పరిపక్వతతో బలమైన కంటెస్టెంట్ గా ఎదిగింది. ఒకపక్క తోటి కంటేస్తేంట్ అభిజిత్ తో ట్రాక్ నడుపుతూ హాట్ టాపిక్ అయింది కానీ ఆ ప్రభావం తన ఆట పైన ఏరోజు చూపించలేదు.
ఎన్నో ఒడిదుడుకులు ఎదుర్కొని ప్రేక్షకుల మన్ననలు పొందింది హారిక. ఇలాంటి పరిస్థితుల్లో హారిక షో చివరికి వచ్చేసరికి అభి పైన తనకు ఉన్న ప్రేమను మరోసారి బయట పెట్టింది. బిగ్బాస్ లో ఎవరికి ఆటవారి ఆడాలి అన్నది తెలిసిందే. అందుకు తగ్గట్టు ఫ్రెండ్స్ తో కూడా అప్పుడప్పుడు గొడవ పడాల్సిన సమయం వస్తుంది. ఇలా ఒక టాస్క్ లో అభిజిత్, హారిక లను సపరేట్ గ్రూపుల్లో వేశారు. అప్పుడే ఆమె మమ్మల్ని ఎందుకు దూరం చేసావ్ బిగ్ బాస్ అని ప్రశ్నించింది.
ఆ తర్వాత నుండి అతనికి పక్కనే ఉంటూ ధైర్యం చెప్పింది. అంతేకాకుండా టాస్కుల్లో సరిగ్గా ఆడాలని గుర్తుచేస్తూ మంచి ఫ్రెండ్ గా నిలిచింది. కుటుంబ సభ్యులు వచ్చినప్పుడు అభి కూడా ఆమెను టూర్ కి తీసుకు వెళ్లేందుకు పర్మిషన్ అడిగాడు. ఇక తాజాగా జరిగిన నెంబర్స్ గేమ్ లో అభిజిత్ వరస్ట్ పర్ఫార్మర్ అయ్యాడు. దీంతో బిగ్బాస్ అతనిని జైల్లో ఉంచాడు దానికి హారిక తట్టుకోలేకపోయింది ఏడుస్తూ కూర్చుండి పోయింది అభిజిత్ తో నేను కూడా ఇందులో నుంచి దూరి లోపలికి వచ్చేస్తా అని అడిగి తన ప్రేమను బయటపెట్టింది.