బిగ్ బాస్ షో చివరి వారానికి వచ్చేసరికి అభిమానులకు టైటిల్ విన్నర్ పైన అంచనాలు పెరుగుతున్నాయి. పైగా ఇంటిలో వాతావరణం వేడెక్కింది. ప్రతి ఒక్కరూ తమ రేంజ్ పర్ఫార్మెన్స్ ఇస్తున్నారు. ఈ వారం మోనాల్ దాదాపు ఎలిమినేషన్ లో ఉంటుందని ఊహాగానాలు వ్యక్తమవుతున్నాయి. ఇలాంటి సమయంలో టైటిల్ విన్నర్ ఎవరు అన్న విషయంపై చాలా సర్వేలు బయటకు వస్తున్నాయి.
ప్రతి సర్వే లో ఉన్న కామన్ కంటెస్టెంట్ అభిజిత్. దాదాపు 70 శాతం మంది అభిజిత్ టైటిల్ గెలుస్తాడని తమ అభిప్రాయం ఇస్తున్నారు. ఎంతో మంది యువత అతని వైపు మొగ్గు చూపుతున్నారు. సెలబ్రిటీల విషయానికి వస్తే నాగబాబు, హీరో శ్రీకాంత్ బహిరంగంగా తమ మద్దతు ప్రకటించిన విషయం తెలిసిందే.
ఇక అఖిల్కు కమెడియన్ పృథ్వీరాజ్, ఆర్టిస్టు షాయాజీ షిండే తమ మద్దతు ప్రకటించారు. అయితే వీక్షకులు, ప్రేక్షకుల్లో సింహభాగం అభిజిత్ వైపు మొగ్గు చూపుతున్నారు. అంతకు ముందు వారం నాగార్జున అభిజిత్ ను ఒక టాస్క్ విషయంలో మందలించడం అలాగే ఒక క్లిప్పింగ్ ప్లే చేసి అతనిని ఇరుకున పడేయడం మినహాయించి అభి వైపుఒక్క మైనస్ పాయింట్ కూడా లేదని ప్రేక్షకులు అభిప్రాయపడుతున్నారు.
పైగా అఖిల్ అతని టార్గెట్ చేయడం మిగతా వారితో ఓవర్ ఎమోషన్ అవ్వకుండా తన ఆట తాను ఆడుతున్నట్లు చెబుతున్నారు. ఇక అందరూ ఊహించినట్లు టైటిల్ అందుకునేది అభిజిత్తా కాదా అని తెలియాలంటే ఒక పది రోజులు ఆగాల్సిందే.