ప్రతి వారం బిగ్ బాస్ ఇంటి నుండి ఎవరో ఒకరు వెళ్లక తప్పదు. ఇక ఈ సారి దాదాపు డబల్ ఎలిమినేషన్ లేనట్లే అని అందరూ అంచనాలు వేస్తున్నారు. షో కూడా దాదాపు చివరికి వచ్చేసింది. నిర్వాహకులు చాలా తెలివిగా వివిధ ప్రణాళికలతో నడిపిస్తున్నట్లు తెలుస్తోంది. అయితే ఎంత చేసినా ఎలిమినేషన్ విషయంలో మాత్రం జనాలు బిగ్బాస్ పై అసహనంతోనే ఉన్నారు.
తాము బయటకు పంపాలి అనుకుంటున్న కంటెస్టెంట్ లు ఇంకా ఇంట్లో ఉండటం చాలా మందికి అసహనానికి గురిచేస్తుంది అన్నది ఇక్కడ విషయం. ఇంకా అదే కాకుండా రేటింగ్స్ ను దృష్టిలో పెట్టుకుని ఎలిమినేషన్ ప్రక్రియలో బిగ్ బాస్ క్రియేట్ డ్రామా చేస్తోందని రకరకాల ఆరోపణలు ఉన్నాయి. తమకు అన్యాయం జరిగిందని బయటకు వచ్చిన వారు ఇంటర్వ్యూలలో వాపోతున్నారు. కానీ గత కొద్ది వారాల నుండి ఎలిమినేషన్ సరిగ్గా జరుగుతోందని అభిప్రాయపడుతున్నారు.
ప్రస్తుతం ఈ వారం ఎలిమినేషన్ చాలా కీలకం. ఉన్న ఎనిమిది మందిలో ముగ్గురు ఎలిమినేట్ అయిపోతే ఐదుగురు ఫైనల్స్కు వెళ్తారు. ఇక ఈ వారం ఎలిమినేషన్ లో ఐదుగురు ఉన్నారు. వీరిలో ఎప్పటిలాగే అభిజిత్ కి అత్యధిక స్థాయిలో ఓట్లు వచ్చాయి అని అర్థం అవుతోంది. ఇక జనాల కన్ను మాత్రం మోనాల్ పైనే ఉంది. ఒక సర్వేలో దాదాపు 45 శాతం జనాలు ఆమె వెళ్లిపోవచ్చని అనుకుంటున్నారు.
ఆ తర్వాత లాస్య వెళ్లిపోవాలని 14 శాతం… సోహెల్, అరియానా వెళ్లిపోవాలని 12 శాతం కోరుకుంటున్నారు. ఇక అభిజిత్ కు మాత్రం కేవలం ఐదు శాతం మంది ప్రజల నుండి వ్యతిరేకత ఉంది. ఈ లెక్క ప్రకారం మోనాల్ ఈ వారం బయటకు వెళ్ళి పోవాలి. అయితే ప్రైవేట్ సైట్స్ లో వస్తున్న ఓటింగ్ వివరాల ప్రకారం మోనాల్ అత్యధిక ఓట్లు లిస్టులో మూడో స్థానంలో ఉందని చెబుతున్నారు. మరి దీని ప్రకారం చూస్తే ఈ వారం మోనాల్ ఎలిమినేట్ కాకపోతే పెద్ద రచ్చ అయ్యేలాగా ఉంది.
