బుల్లితెరలో ప్రపంచపు అతిపెద్ద రియాల్టీ షో అత్యధిక స్థాయిలో టిఆర్పి రేటింగ్ సాధిస్తూ నెంబర్ వన్ స్థానంలో దూసుకుపోతోంది. దేశంలోని చాలా భాషల్లో వస్తున్న ఈ షో లో కేవలం తెలుగులోనే అత్యధిక స్థాయిలో టిఆర్పి రేటింగ్స్ నమోదు రికార్డులు క్రియేట్ చేయడం గమనార్హం.
ఇక నాలుగో సీజన్ 9వ వారం నామినేషన్ ప్రక్రియ కూడా అంచనాలకు తగ్గట్టు సాగింది. ఒకరితో ఒకరు మరొకరి లెవల్ లో పోట్లాడుకోగా చివరికి ఐదుగురు సభ్యులు నామినేట్ అయినట్లు తెలిసింది. ఇంకేముంది ఒక దెబ్బకు టీఆర్పీ రేటింగ్స్ తారాస్థాయికి చేరిపోయాయి. నాలుగో సీజన్ ప్రీమియర్ ఎపిసోడ్ 18 పైగా టిఆర్పి రేటింగ్ సాధిస్తే దసరా నాడు అంతకుమించిన టిఆర్పి రేటింగ్ సాధించింది.
ఇక ప్రస్తుతం నామినేట్ అయిన కంటెస్టెంట్ల విషయానికి వస్తే ఈ సారి నామినేషన్ ప్రక్రియను కోడిగుడ్లతో బిగ్ బాస్ షో నిర్వాహకులు ప్లాన్ చేశారు. ఎవరైతే నామినేట్ అవ్వాలని అనుకుంటున్నారో హౌస్మేట్స్ వారి తలపై కోడిగుడ్లు పగలగొట్టాలి. అందుకు తగ్గ కారణాలు కూడా తెలపాలి. ఈ జాబితాలో అమ్మా రాజశేఖర్, అభిజిత్, మోనాల్, అవినాష్, హారిక ఇంటి నుండి బయటకు వెళ్లేందుకు నామినేట్ అయినట్లు తెలుస్తోంది.
కెప్టెన్ అయిన కారణంగా అరియానా కి ఇమ్యూనిటీ లభించడంతో ఆమెను ఎవరు నామినేట్ చేయలేదు. నామినేషన్ ప్రక్రియ లో ఎక్కువ మంది సభ్యులు అమ్మరాజశేఖర్ ను నామినేట్ చేసినట్లు తెలుస్తోంది అందుకే ఆయన ఆ విషయంలో వారందరిపై తన అసహనాన్ని వెళ్లగక్కాడు అని ప్రోమో చూస్తే అర్థమవుతుంది. అభిజిత్ తో అయితే భారీ వాగ్వాదానికి దిగాడు. రాజశేఖర్ దూకుడు ని మాత్రం ఇంట్లో ఎవరూ ఆపలేకున్నారు.