కేంద్ర ఎన్నికల సంఘం నేడు బీహార్ ఎన్నికల షెడ్యూల్ ను విడుదల చేసింది. కేంద్ర ఎన్నికల సంఘం కమిషనర్ సునీల్ అరోరా ఈ షెడ్యూల్ ను విడుదల చేసారు. బీహార్ రాష్ట్రంలోని 243 స్థానాలకు ఎన్నికలు నిర్వహించనున్నారు. అయితే ఈ ఎన్నికలు మొత్తం మూడు విడతల్లో జరుగుతాయని ఎన్నికల సంఘం స్పష్టం చేసింది.
నవంబర్ 29వ తేదీతో బీహార్ అసెంబ్లీకి గడువు ముగియనుండటంతో ఈలోపే ఎన్నికలను నిర్వహించనున్నారు. మొదటి విడత పోలింగ్ అక్టోబర్ 28న జరగనుండగా మొత్తం 71 స్థానాలకు ఈ విడతలో పోలింగ్ నిర్వహించనున్నారు. అలాగే రెండో విడత 94 అసెంబ్లీ స్థానాలకు ఎన్నికలు.. అవి నవంబర్ 3న నిర్వహించనున్నారు. ఇక నవంబర్ 7న మూడో విడత ఎన్నికలు 78 సీట్లకు జరుగుతాయి. అక్టోబర్ 1న మొదటి విడత ఎన్నికల కోసం నోటిఫికేషన్ ను విడుదల చేస్తారు. నవంబర్ 10న ఓట్ల లెక్కింపు ఉంటుంది.