Prabhas: పాన్ ఇండియా సూపర్ స్టార్ ప్రభాస్ సినిమాలు చేయడంలో స్పీడ్ పెంచారు. గతంలో మాదిరిగా కాకుండా వరుసపెట్టి సినిమాలు ఒకే చేస్తూ.. ఏకధాటిగా 2, 3 సినిమా షూటింగ్ లలో పాల్గొంటున్నారు. ఇప్పటికే “రాధెశ్యం” సినిమా షూటింగ్ కంప్లీట్ చేయగా… మరోపక్క బాలీవుడ్ డైరెక్టర్ ఓం రౌత్ దర్శకత్వంలో “ఆది పురుష్”.. కేజిఎఫ్ డైరెక్టర్ ప్రశాంత్ నీల్ దర్శకత్వంలో “సలార్”.. సినిమా చేస్తూ వస్తున్నారు. వీటన్నిటిలో సలార్ ఈ సినిమా షూటింగ్ చాలా శరవేగంగా సాగుతుంది.
“కేజిఎఫ్” లాంటి భారీ బ్లాక్ బస్టర్ తీసిన డైరెక్టర్ కావడంతో ఈ సినిమాపై ప్రభాస్ అభిమానులు భారీ అంచనాలు పెట్టుకున్నారు. ఈ సినిమాలో ప్రభాస్ సరసన హీరోయిన్ పాత్రలో శృతి హాసన్ నటిస్తున్న సంగతి తెలిసిందే. మాఫియా బ్యాక్ డ్రాప్ తరహాలో సినిమా తెరకెక్కుతున్నట్లు ఇప్పటికే వార్తలు రావడం జరిగాయి. ప్రభాస్ సినిమాలో చేసే ఫైట్లు.. హాలీవుడ్ తరహా మాదిరిగా ఉంటాయని అంటున్నారు.
ఇదిలా ఉంటే ఈ సినిమాలో ఓ ఐటెం సాంగ్ కోసం బాలీవుడ్ టాప్ హీరోయిన్ కత్రినా కైఫ్ నీ తీసుకోవాలనే ఆలోచనలో డైరెక్టర్ ఉన్నట్లు సమాచారం. అనేక భాషల్లో సినిమా రిలీజ్ అవుతుండటంతో ముఖ్యంగా బాలీవుడ్ ఇండస్ట్రీలో భారీ స్థాయిలో సినిమా రిలీజ్ చేయాలని ఈ నేపథ్యంలో కత్రినా కైఫ్ అయితే అందరికీ తెలిసిన ముఖం కావడంతో ఆమెను సినిమాలో ఐటమ్ సాంగ్ కోసం ఓకే చేసినట్లు ఇండస్ట్రీ టాక్. వచ్చే ఏడాది అనుకున్న టైం కి.. ఈ సినిమా భారీ స్థాయిలో దేశవ్యాప్తంగా రిలీజ్ చేయాలనీ అనుకుంటున్నట్లు ..ఎట్టి పరిస్థితిలో షూటింగ్ ఆలస్యం కాకుండా డైరెక్టర్ మరియు నిర్మాత తగ్గు జాగ్రత్తలు తీసుకుంటున్నట్లు సమాచారం.