బాలీవుడ్ ఇండస్ట్రీకి చెందిన హీరోయిన్లు టాలీవుడ్ ఇండస్ట్రీలో క్లిక్ అయితే వరుస ఆఫర్లు దక్కినట్లే. కానీ ఒక బాలీవుడ్ ఇండస్ట్రీ హీరోయిన్ కి ఒక్క సినిమా కూడా టాలీవుడ్ ఇండస్ట్రీలో చేయకపోయినా… మెగా హీరోలతో వరుస చాన్సులు దక్కించుకోవడం ఇండస్ట్రీలో పెద్ద హాట్ టాపిక్ అయింది. ఆ హీరోయిన్ మరెవరో కాదు దబాంగ్ 3 సినిమాతో సినిమా ప్రేక్షకులను ఎంతగానో అలరించిన సాయీ మంజ్రేకర్.
ప్రస్తుతం ఈ హీరోయిన్ టాలీవుడ్ ఇండస్ట్రీలో అడివి శేష్ నటిస్తున్న మేజర్ సినిమాలో నటిస్తోంది. అయితే ఈ సినిమా రిలీజ్ అవ్వకుండానే మెగా ప్రిన్స్ వరుణ్ తేజ్ హీరోగా తెరకెక్కుతున్న బాక్సర్ సినిమాలో హీరోయిన్ గా చేస్తుండగా మరో ఇద్దరు మెగా హీరోల సరసన సాయీ మంజ్రేకర్ ఆఫర్లు అందుకున్నట్లు ఇండస్ట్రీలో టాక్ నడుస్తుంది. సెన్సేషనల్ డైరెక్టర్ కొరటాల శివ దర్శకత్వంలో స్టైలిష్ స్టార్ అల్లు అర్జున్ చేయబోయే సినిమాలో హీరోయిన్ గా ఈమెనే తీసుకున్నట్లు వార్తలు వస్తున్నాయి.
అంతేకాకుండా డైరెక్టర్ సురేందర్ రెడ్డి దర్శకత్వంలో పవన్కల్యాణ్ నటించే సినిమాలో కూడా సాయీ మంజ్రేకర్ కి ఛాన్స్ ఇచ్చే ఆలోచనలో సినిమా యూనిట్ ఉన్నట్లు వార్తలు అందుతున్నాయి. దీంతో బాలీవుడ్ ఇండస్ట్రీకి చెందిన ఈ ముద్దుగుమ్మ ఒక్క సినిమా కూడా తెలుగులో చేయకుండానే వరుసగా మెగా కాంపౌండ్ హీరోలతో ఆఫర్లు అనుకుంటున్నట్లు ఇండస్ట్రీలో టాక్ గట్టిగా వినబడుతుంది.