Suicide: ఒక వ్య‌క్తి ఆత్మహత్యకు Suicide ప్రేరేపించే కారణాలు ఎన్నో ఉండొచ్చు. వాటిల్లో మానసిక ఆరోగ్య స‌మ‌స్య‌లు ముందు వ‌రుస‌లో ఉంటాయి అనే చెప్పాలి . ఇలాంటి కోవ‌కు చెందిందే బోర్డర్‌లైన్ పర్సనాలిటీ డిజార్డర్ (బీపీడీ). బీపీడీ వ్యాధి ల‌క్ష‌ణాలేంటి, దీని బారిన పడిన వారిని ఎలా ర‌క్షించుకోగలమో తెలుసుకుందాం. బీపీడీ అనేది మూడ్ స్వింగ్స్‌, ప్రవర్తనాప‌ర‌మైన లోపాలు ఉన్న‌వారిని మరింత ప్ర‌భావితం చేస్తుంది. బీపీడీ ఉన్నవారు తీవ్ర భావోద్వేగాలకు గురవడం తో పాటు తీవ్రమైన కోపం, ఆందోళన, నిరాశ వంటివి వారిని వేధిస్తూ ఉంటాయి.
బీపీడీ ఉన్న వ్యక్తులు ఎక్కువ‌గా ఆందోళన, కుంగుబాటులో ఉండడం తో పాటు ప్ర‌తిదాన్నీ అనుమనిస్తూనే ఉంటారు . దీంతో వారిఆశక్తులు , అభిరుచులు, విలువలు త్వరగా మారిపోతుంటాయి. ఇలాంటివారు మంచి, చెడు విష‌యాల‌న్నింటినీ విప‌రీత ధోర‌ణిలో ఆలోచిస్తారు.
క్ష‌ణాల్లో ఎదుటి వారి పై త‌మ అభిప్రాయాల‌ను మార్చుకుంటారు. ఒక్కోసారి ఎదుటి వారికి విప‌రీత‌మైన గౌర‌వమిస్తారు. అంత‌లోనే వారిని చుల‌క‌న‌గా చేసి మాట్లాడేస్తూ ఉంటారు .ఇలాంటి వారు ఒంట‌రిగా ఉండేదుకు ఇష్ట‌ప‌డ‌తారు. గాయ‌ప‌ర‌చుకోవ‌డం, ఆత్మహత్య ప్ర‌య‌త్నాలు చేయ‌డం వంటివి సాధార‌ణంగా వారిలో క‌నిపించే ల‌క్ష‌ణాలు. ఎప్పుడూ ఏదో కోల్పోయిన‌ట్టు గా ఉంటారు . ఎప్పుడూ ఏదో ఒక అప‌రాధ భావం తో ఉంటారు. ఇలాంటి కొన్ని క్ష‌ణాలు వారిని కొన్ని రోజుల వ‌ర‌కూ వేధిస్తాయి. అస్సలు ఈ బీపీడీ బారిన ప‌డ‌టానికి గల కారణాలు తెలుసుకుందాం.
ఇది జన్యుప‌ర‌మైన స‌మ‌స్య కావడం వలన కుటుంబం లో ఎవ‌రైనా ఇలాంటి మానసిక స‌మ‌స్య‌ల బారిన ప‌డిన‌వారు ఉంటే వంశ‌పారంప‌ర్యంగా కూడా వచ్చే అవకాశం ఉంది . పెరిగిన వాతావ‌ర‌ణం, ఎదురైన వ్యక్తులు, పర్యావరణ పరిస్థితులు వంటివి కూడా బీపీడీ కి దారితీసే అవకాశం ఉంది. బాల్యం లో చూసిన, అనుభ‌వించిన బాధాకరమైన సంఘటనలు ఈ వ్యాది ని మరింత ఎక్కువ చేస్తాయి. దీని బారిన పడిన వారిలోఎక్కువ మంది తల్లిదండ్రుల నిర్లక్ష్యానికి గురైన‌వారు, బాల్యంలో శారీరక, లైంగిక, మానసిక వేధింపులను ఎదుర్కొన్న‌వారు ఉంటున్న‌ట్టు వైద్యులు తెలియచేస్తున్నారు .
బీపీడీ బారిన పడిన వారిని ఒంట‌రిగా వదిలేయకూడదు . వారిని ఇత‌రుల‌తో క‌లిసి ఉండేలా చూడాలి. నిపుణుల సూచ‌న‌ల‌తో మందులు వాదించడం ,సైకోథెర‌పీ చేయించ‌డం, కౌన్సెలింగ్ ఇప్పించండం.. వంటివి మంచి ఫ‌లితాలు ఇస్తాయి. కానీ కోలుకోవడానికి ఒక సంవత్సరం కన్నా ఎక్కువ సమయం పట్టవచ్చు.
