BREAKING : నాలుగు నెలల పాటు పరారీలో ఉన్న బుల్లితెర, వెండితెర నటుడు గౌరవ్ దీక్షిత్ ను నార్కోటిక్స్ కంట్రోల్ బ్యూరో అధికారులు ఎట్టకేలకు అరెస్టు చేశారు. ఈ ఏడాది ఏప్రిల్లో ముంబయిలోని లోఖండ్వాలాలోని అతని నివాసంలో భారీ ఎత్తున డ్రగ్స్ దొరికాయి. అయితే నార్కోటిక్స్ అధికారులు తన ఇంటిపై రైడ్ చేస్తున్నారని ముందస్తుగా తెలియగానే గౌరవ్ తన డచ్ గర్ల్ఫ్రెండ్తో సహా పారిపోయాడు. అప్పటి నుంచి ఇప్పటివరకు పరారీ లోనే ఉన్నాడు. నిషేధిత డ్రగ్స్ అయిన చరాస్, ఎండీ వంటి రెండు డ్రగ్స్ అతని ఇంట్లో దొరికాయి. దాంతో ఎన్సీబీ అధికారులు అతన్ని పట్టుకోవడానికి గాలింపు చర్యలను ముమ్మరం చేశారు. ఈ నేపథ్యంలోనే అతడిని అరెస్టు చేసారు.
RULES : సెప్టెంబర్ 1వ తారీఖు నుంచి కొత్త మార్పులు రాబోతున్నాయి..!
గతంలో మాదకద్రవ్యాల కేసులో బిగ్ బాస్ కంటెస్టెంట్ అజాజ్ ఖాన్ ను అదుపులోకి తీసుకొని విచారించారు. ఆ సమయంలోనే నటుడు గౌరవ్ దీక్షిత్ పేరు బయట పడింది. దాంతో అప్రమత్తమైన సదరు నటుడు తన ఇంటి నుంచి ఉడాయించాడు. అతడు పరారైన కొంత సమయం తర్వాత ఎన్సీబీ సోదాలు చేసి పెద్ద మొత్తంలో నిషేధిత డ్రగ్లను స్వాధీనం చేసుకుంది.