Breaking: బాలీవుడ్ టాప్ హీరోయిన్ దీపికా పదుకొణె స్వల్ప అస్వస్థతకు గురైయ్యారు. హైదరాబాద్ లోని కామినేని ఆసుపత్రిలో చేరారు. ఓ సినిమా షూటింగ్ నిమిత్తం హైదరాబాద్ లో ఉన్న దీపిక మంగళవారం మధ్యాహ్నం స్వల్ప అస్వస్థతకు గురైయ్యారు. ఒక్కసారిగా హార్ట్ బీట్ (గుండె వేగంగా కొట్టుకోవడం) పెరగడంతో కంగారుపడిన దీపిక షూటింగ్ రద్దు చేసుకుని హుటాహుటిన కామినేని ఆసుపత్రికి వెళ్లినట్లు తెలుస్తొంది. కామినేని ఆసుపత్రిలో ప్రాధమిక చికిత్స అనంతరం ఆమె తను ఉంటున్న నోవాటెల్ హోటల్ కు వెళ్లిపోయారట. ఆమె వ్యక్తిగత వైద్యుల పర్యవేక్షణలో నోవాటెల్ లో ఉన్నట్లు సమాచారం. అయితే ప్రస్తుతం దీపిక ఆరోగ్యం నిలకగడగానే ఉందనీ, ఆందోళన చెందాల్సిన అవసరం లేదనీ వైద్యులు సూచించినట్లు తెలుస్తొంది. దీపిక అనారోగ్యానికి సంబంధించి పూర్తి సమాచారం అధికారికంగా తెలియరాలేదు.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
దీపిక నాలుగు రోజుల క్రితం (10వ తేదీ) కుటుంబ సమేతంగా తిరుమల శ్రీవారిని దర్శించుకున్నారు. పదవ తేదీ ఆమె తండ్రి, మాజీ ప్లేయర్ ప్రకాశ్ పదుకొనే జన్మదినోత్సవం సందర్భంగా కుటుంబ సభ్యులతో కలిసి తిరుమలను సందర్శించారు. విఐపీ దర్శన సమయంలో స్వామివారిని దర్శించుకుని ప్రత్యేక పూజలు నిర్వహించారు. శ్రీవారి దర్శనం అనంతరం రంగనాయక మండపంలో వేద పండితులు ఆశీర్వదించి తీర్ధ ప్రసాదాలు పంపిణీ చేశారు. పఠాన్ మూవీతో దీపికా బిజీగా ఉన్నారు. ఆ మూవీలో దీపికా షారుక్ ఖాన్ సరసన నటిస్తున్నారు. దీనితో పాటు మరో హాలీవుడ్ చిత్రానికి దీపికా గ్రీన్ సిగ్నల్ ఇచ్చినట్లు సినీ వర్గాల టాక్. మంగళవారం దీపిక అర్ధాంతరంగా షూటింగ్ క్యాన్సిల్ చేసుకుని ఆసుపత్రికి వెళ్లడంతో తొలుత ఆందోళన చెందారు. అయితే ఆ తరువాత ఆరోగ్యం నిలకడగానే ఉందనీ, ఆందోళన చెందాల్సిన అవసరం లేదని వైద్యులు చెప్పినట్లు వార్తలు రావడంతో అభిమానులు ఊరట చెందారు.
