సరిహద్దుల్లో ఇప్పుడు చైనా ఆర్మీకి మరియు భారత సైనిక దళాలకు ఉద్రిక్త పరిస్థితులు నెలకొన్న విషయం తెలిసిందే. అయితే 20 మంది భారత సైనికులను పొట్టన పెట్టుకున్న వారిని ఏమీ చేయకుండా వదిలేస్తున్నారని గత కొద్ది రోజులుగా నెటిజన్ల తోపాటు ప్రజలందరూ నరేంద్ర మోడీ మరియు అతని ప్రభుత్వంపై విమర్శలు గుప్పిస్తున్నారు.
ఇకపోతే తాజాగా జల, వాయు, భూ మార్గాల ద్వారా చైనా కదలికలపై నిఘా ఉంచాలని కేంద్ర రక్షణ శాఖ మంత్రి రాజ్ నాథ్ సింగ్ త్రివిధ దళాలకు ఆదేశాలు జారీ చేశారు. ప్రత్యేక సమీక్ష నిర్వహించిన ఆయన వారి చేష్టలకు మనం చేతలతోనే సమాధానం చెప్పాలని…. ఎదురుదాడి చేసి తిప్పికొట్టాలని సూచించారు.
ఇకపోతే గల్వాన్ లోయ పెట్రోలింగ్ పాయింట్ 14 వద్ద భారత్ పైచేయి సాధించిందని…. ఇక లడక్ లో చైనాను ధీటుగా ఎదుర్కొనేందుకు దళాలకు పూర్తి స్వేచ్చను ఇస్తున్నట్లు ప్రకటించారు. ఇలా అందరికీ పూర్తి అధికారాన్ని మరియు స్వేచ్ఛను ఇచ్చేసిన రక్షణ శాఖ మంత్రి సమీక్ష అయిపోగానే రష్యా బయలుదేరి వెళ్లారు.
