TSRTC: కేసిఆర్ సర్కార్ న్యూఇయర్ సందర్భంగా ఓ కీలక నిర్ణయం తీసుకుంది. 12 ఏళ్లలోపు చిన్నారులు వారి పేరంట్స్ తో బస్సుల్లో నూతన సంవత్సరం మొదటి రోజు ఉచిత ప్రయాణ సదుపాయం కల్పించింది. న్యూఇయర్ సందర్భంగా ఈ ఆఫర్ ఇస్తున్నట్లు పేర్కొంది. ఈ మేరకు టీఎస్ఆర్టీసీ వైస్ చైర్మన్ అండ్ ఎండీ ఉత్తర్వులు జారీ చేశారు. జనవరి 1వ తేదీన 12 ఏళ్ల లోపు చిన్నారులు ఉన్న పేరంట్స్ కలిసి ఉచితంగా ఆర్టీసీ బస్సులో ప్రయాణం చేయవచ్చు.
ఈ ఆఫర్ గురించి విస్తృతంగా ప్రచారం కల్పించాలని కూడా ఉత్తర్వులో పేర్కొన్నారు. రాష్ట్రంలో టీఎస్ ఆర్టీసీ బస్సుల్లో ఎక్కడి నుండి ఎక్కడికైనా ఉచితంగా చిన్నారులతో జనవరి 1 వ తేదీన ప్రయాణం చేయవచ్చు.కేసిఆర్ సర్కార్ తీసుకున్న ఈ నిర్ణయం పట్ల చిన్నారుల తల్లిదండ్రులు సంతోషం వ్యక్తం చేస్తున్నారు. ఇటువంటి ఆఫర్ గతంలో ఎప్పుడూ ఇవ్వలేదు. తొలి సారిగా నూతన సంవత్సరం ఆఫర్ ను ఇచ్చింది కేసిఆర్ సర్కార్.
