భారత మాజీ రాష్ట్రపతి ప్రణబ్ ముఖర్జీ కన్నుమూశారు. గత కొంతకాలంగా తీవ్ర అనారోగ్యం కారణంగా చికిత్స పొందుతున్న ఆయన కొద్ది సేపటి క్రితమే తుదిశ్వాస విడిచారు. ఈ విషయాన్ని ఆయన కొడుకు అభిజిత్ అధికారికంగా వెల్లడించారు.
దిల్లీలోని ఆర్మీ ఆర్ అండ్ ఆర్ ఆస్పత్రిలో చికిత్స పొందుతున్న ముఖర్జీకి కోవిడ్ సోకడంతో పాటు వయసు రీత్యా ఆయన ఊపిరితిత్తులకు కూడా ఇన్ఫెక్షన్ పాకింది. దీంతో ఆర్మీ ఆస్పత్రిలోని వైద్యులు ఎంత ప్రయత్నించినా ఆయనను కాపాడలేకపోయారు.
కొద్ది రోజులుగా తీవ్ర ఆరోగ్య సమస్యలతో బాధపడుతున్న ఆయన ఈరోజు మృతి చెందారు. ఈనెల 10వ తేదీన ప్రణబ్ ముఖర్జీ ఆస్పత్రిలో చేరారు. ఆయనకు మెదడులో రక్తం గడ్డకట్టడం తో ఆపరేషన్ చేసినా కూడా ఫలితం లేకుండా పోయింది. నిన్న సెప్టిక్ కోమాలోకి వెళ్లిన ప్రణబ్ అలాగే కన్నుమూశారు.
