Bullet Bhaskar: కామెడీ స్కిట్స్‌తో అత్యంత ప్రాచుర్యం పొందిన జబర్దస్త్ షోకు పోటీ లేదనే చెప్పాలి. వెకిలి కామెడీ, అసభ్య పదజాలం ఉందంటూ విమర్శలు వస్తున్నా మెజారిటీ ప్రేక్షకులు మాత్రం జబర్దస్త్ షోను ఆదరిస్తున్నారు. అయితే ఈ పాపులర్ కామెడీ షోలో బుల్లెట్ భాస్కర్ తనకంటూ ఒక ప్రత్యేక స్థానం ఏర్పరచుకున్నాడు. ప్రస్తుతం బుల్లెట్ భాస్కర్, వర్ష, ఫాహిమాల స్కిట్స్ టీఆర్పీ రేటింగ్స్‌తో పాటుగా యూట్యూబ్‌లో వ్యూస్‌ను సైతం అమాంతం పెంచేస్తున్నాయి.
Bullet Bhaskar: ఆత్మహత్య చేసుకోవాలనుకున్న బుల్లెట్ భాస్కర్
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
తాజాగా ప్రసారం అయిన జబర్దస్త్ ఎపిసోడ్‌లో బుల్లెట్ భాస్కర్ తన వ్యక్తిగత విషయాలు పంచుకున్నాడు. తాను ఒక అమ్మాయిని ప్రేమించానని.. ఆ అమ్మాయితో కలిసి ఉన్నానని చెప్పాడు. కొంతకాలం తరువాత తనను ఆ అమ్మాయి వదిలేసి వెళ్ళిపోయిందని బాధగా చెప్పుకొచ్చాడు. ప్రాణంగా ప్రేమించిన అమ్మాయి తనని వదిలేయడంతో ఆ బాధ నుంచి జీర్ణించుకోలేక తాను డిప్రెషన్‌లోకి వెళ్లానని చెప్పాడు. పిచ్చెక్కి రోడ్లపై తిరిగానని, ఆ సమయంలో ఆత్మహత్య చేసుకోవాలని కూడా అనుకున్నట్లు బుల్లెట్ భాస్కర్ షాకింగ్ కామెంట్స్ చేశాడు. ఆ టైమ్‌లో తానేం చేస్తున్నానో తనకే తెలియలేదని.. అప్పుడే తలకు బాగా దెబ్బలు తగిలింది అన్నాడు. తలకు గాయాలు తీవ్రంగా కావడంతో కుట్లు కూడా వేయించుకున్నాని చెప్పి షాక్ కి గురి చేశాడు.
ఆత్మహత్య ఆలోచనను అధిగమించిన భాస్కర్
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
“ప్రేమించిన అమ్మాయి మోసం చేస్తే ఎవరికైనా ఆ అమ్మాయిని చంపేయాలన్నంత కోపం వస్తుంది. లేదా తామే చనిపోవాలనిపిస్తుంది. మొదట్లో నాకు అలానే అనిపించింది కానీ అది మాత్రమే సమాధానం అనుకోలేదు. నా ఎదుగుదలతో నన్ను మోసం చేసిన అమ్మాయి మొహంపై కొట్టాలని అనుకున్నాను” అని భాస్కర్ చెప్పారు. అందుకే ఆత్మహత్య ఆలోచనలను అధిగమించి జీవితంలో ఏదైనా సాధించాలని హైదరాబాద్ వచ్చానని.. ఆ సమయంలోనే జబర్దస్త్‌లో కమెడియన్ గా చేసే సువర్ణ అవకాశం వచ్చిందని అన్నాడు. దాంతో తన జీవితం మారిపోయిందని బుల్లెట్ భాస్కర్ చెప్పాడు. అయితే బుల్లెట్ భాస్కర్ మంచి నిర్ణయం తీసుకున్నాడని, ఇప్పుడు నవ్విస్తూ అందరూ తమ బాధలను మర్చిపోయేలా చేస్తున్నాడని నెటిజన్లు పొగుడుతున్నారు.
