Car offers: మధ్య తరగతి వారికి కారు కొనాలని ఉంటుంది. తమ ఆర్థిక పరిస్థితి మెరుగు పడగానే, డబ్బులు సమకూర్చుకుని తమ బడ్జెట్లో మంచి కారు కోసం అన్వేషిస్తుంటారు. అవసరమైతే బ్యాంకు లోన్లు తీసుకుంటుంటారు. కోవిడ్ మొదలయ్యాక సొంత కారులో ప్రయాణించాలనుకునే వారి సంఖ్య పెరుగుతూ వస్తోంది. ఈ క్రమంలో ఇలాంటి వారి కలను నెరవేర్చేందుకు కార్ల కంపెనీలు దిగి వస్తున్నాయి. చాలా మోడళ్లపై భారీ డిస్కౌంట్లు ప్రకటిస్తున్నాయి. ముఖ్యంగా హ్యుందాయ్ కంపెనీ కొత్తగా కారు కొనాలనుకునే వారి కోసం పలు ఆఫర్లు అందుబాటులో ఉంచింది. దీనికి సంబంధించిన వివరాలిలా ఉన్నాయి.
Car Offer: కొత్త కారు కొనాలని చూస్తున్నారా.. మీకోసం అద్దిరిపోయే ఆఫర్ ఒకటి వచ్చింది చూడండి!
Car offers: హోళీ పండుగ సందర్భంగా..
ప్రతి పండగకూ వివిధ కంపెనీలు తమ ఉత్పత్తులపై భారీ ఆఫర్లను ప్రకటిస్తాయి. తద్వారా సేల్స్ పెంచేందుకు, వినియోగదారులను ఆకర్షించేందుకు వివిధ వ్యూహాలను అమలు చేస్తాయి. హోళీ పండగ సందర్భంగా కొత్తగా కారు కొనే వారిని దృష్టిలో ఉంచుకుని హ్యుందాయ్ సంస్థ ఆఫర్లను అందుబాటులో ఉంచుతోంది. ఈ నెల చివరి వరకు మాత్రమే ఉండే ఈ ఆఫర్ ఉంటుంది. ఆ కంపెనీకి చెందిన శాంట్రో కారుపై భారీ డిస్కౌంట్ అమలు చేస్తోంది. రూ.40 వేల వరకు వివిధ డిస్కౌంట్ల రూపంలో ధర తగ్గిస్తోంది. తక్షణ నగదు రాయితీ రూ.25 వేలు, ఎక్స్చేంజ్ బోనస్ కింద మరో రూ.10 వేలు, కార్పొరేట్ రాయితీ కింద రూ.5 వేలను తగ్గిస్తూ నిర్ణయం తీసుకుంది. ఎక్కువ మంది ఆసక్తి చూపే హ్యుందాయ్ గ్రాండ్ ఐ10 నియోస్ కారుపై సైతం మంచి డిస్కౌంట్ ఆఫర్లు ఉన్నాయి. దీనిపై రూ.50 వేల ధర తగ్గనుంది.
మరిన్ని కార్లపైనా కళ్లు చెదిరే ఆఫర్
ఐ10 నియోస్ కారుపై హ్యుందాయ్ కంపెనీ తక్షణ క్యాష్ డిస్కౌంట్ రూ.35 వేలు, ఎక్స్చేంజ్ బోనస్ రూ.10వేలు, కార్పొరేట్ డిస్కౌంట్ రూ.5 వేలు ఇస్తోంది. హ్యుందాయ్ ఆరా కారుపైనా ఇవే ఆఫర్లు ఉన్నాయి. ఐ20 కారుపైనా క్యాష్ డిస్కౌంట్ రూ.25 వేలు, ఎక్స్చేంజ్ బోనస్ రూ.10 వేలు, కార్పొరేట్ డిస్కౌంట్ రూ.5 వేలు చొప్పున రూ.40 వేలకు తగ్గింపు పొందొచ్చు. అయితే ఈ ఆఫర్లన్నీ ప్రాంతాల వారీగా, డీలర్ షిప్ తదితర కారణాల వల్ల మారుతూ ఉంటాయి. ఇక కొత్తగా కారు కొనాలనుకునే వారు ఏ మాత్రం ఆలస్యం చేయకుండా హ్యుందాయ్ ఆఫర్లను అందుకోండి. మీ కలల కారును సొంతం చేసుకోండి.