Coins: సాధారణంగా మనం రోడ్డు మీద వెళ్తున్నప్పుడు చిల్లర కాయిన్స్, నాణేలు కనిపిస్తూ ఉంటాయి. కొంతమందికి ఆ వాటిని తీసుకోవాలని అనిపిస్తుంది కానీ దిష్టి తీసి వాటిని రోడ్డు మీద పడేసారేమో.. అలా దిష్టి తీసిన వాటిని తీసుకోవడం వల్ల వాళ్ల దరిద్రం మనకు చుట్టుకుంటుందని చాలామంది సందేహిస్తూ ఉంటారు.. అయితే ఇలా రోడ్డుమీద కనిపించిన నాణాలను తీసుకుంటే మంచిదా.!? లేదంటే మనకి ఏమైనా చెడు జరుగుతుందా.!? తీసుకోకపోతే ఏం జరుగుతుంది.!? వంటి విశేషాలు ఇప్పుడు తెలుసుకుందాం..!
రోడ్డు మీద నడిచి వెళ్తున్నప్పుడు నాణేలు కనిపించడం అనేది లక్ష్మీ కటాక్షం మనపై ఉందని తెలిపే ఒక సంకేతం. అందువల్ల రోడ్డు మీద నాణాలు కనిపించిన కనిపిస్తే అది శుభసంకేతంగా భావించాలి. ఆ నాణాలను తీసుకోవడం వల్ల మనకు ఎటువంటి చెడు ప్రభావాలు ఉండవని పండితులు చెబుతున్నారు. ఒకవేళ సందేహంతో నాణేలు తీసుకోకుండా వెళ్ళిపోతే మనం లక్ష్మీదేవిని అవమానపరిచినట్లు.. లక్ష్మీదేవి మనపై చూపించిన కటాక్షాన్ని మనమే తిరస్కరించినట్లు అర్థం. ఇలా చేయటం వల్ల మనం ఎన్ని పూజలు చేసినా కూడా మరల ఆ లక్ష్మీదేవి అనుగ్రహం పొందలేము..
అందువలన రోడ్డు మీద ఎప్పుడైనా నాణేలు కనిపిస్తే వాటిని తప్పనిసరిగా తీసుకోవాలని.. అలా దొరికిన నాణేలను తీసుకొని వాటిని పసుపు నీళ్లు, ఆవు పంచితం తో శుద్ధిచేసి వాటిని ఉపయోగించవచ్చు. రోడ్డుమీద నాణేలు దొరకడం లక్ష్మీ కటాక్షం గా భావించి అలా దొరికిన వాటిని శుద్ధి చేసిన తర్వాత పసుపు కుంకుమ పెట్టి దేవుడి గదిలో ఉంచుకొని పూజించవచ్చు.. ఇలా చేస్తే మనకు ఆ లక్ష్మీదేవి అనుగ్రహం ఎల్లప్పుడూ మనపై ఉంటుంది.