కొబ్బరి నీళ్లు అనగానే కేవలం వేసవికాలంలోనే తాగేవి అనుకుంటున్నాం కానీ అది పొరపాటు.. చలికాలంలోనూ తాగవచ్చు. అన్ని కాలాల్లో అందుబాటులో ఉండే కొబ్బరి బోండాల తో తక్షణ శక్తి వస్తుంది. శరీరం డీహైడ్రేట్‌ అవ్వకుండా చూస్తుంది.రోగనిరోధక శక్తిని పెంచడంలో కొబ్బరినీళ్లు ను మించింది లేదు. ఒక్క బోండం ఒక సెలైన్‌ బాటిల్‌తో సమానం. అలసిన శరీరానికి కొబ్బరి అమృతం లా పనిచేస్తుంది.
ఇందులో పొటాషియం ఎక్కువ కార్బోహైడ్రేట్స్‌ తక్కువగానూ, ఉంటుంది. ఇందులో ఫ్యాట్‌ కంటెంట్‌ ఉండకపోవడం,మాంగనీస్‌ ఎక్కువగా ఉండడం . వలన బరువు తగ్గేందుకు మరియు జీర్ణక్రియారేటు పెరిగి నడుము, పొట్ట చుట్టూ ఉన్న కొవ్వు తగ్గుతుందని అనేకమైన పరిశోధనల్లో తేలింది.కొబ్బరి నీరు తాగితే త్వరగా ఆకలి వేయదు. అందుకే బరువు తగ్గాలనుకునే వారు కొబ్బరినీరు తాగితే మంచిది. షుగరు తో బాధపడుతున్నవారు కొబ్బరి నీళ్లు తాగితే షుగర్అదుపులో ఉంటుంది. గుండె జబ్బులను సైతం కొబ్బరి నీళ్లు తగ్గిస్తాయి.
కిడ్నీలో రాళ్లు ఏర్పడకుండా చెయ్యడానికి కొబ్బరి నీళ్లు తాగడం చాల మంచి పద్దతి. మంచి నీళ్ల కంటే కూడా బాగా పనిచేస్తాయి.
కొబ్బరి నీళ్లలో విటమిన్ సి, ఖనిజాలు పీచుపదార్థం,సమృద్ధిగా ఉంటాయి.
వ్యాయామం చేశాక కొబ్బరినీళ్లు తాగడం వలన శరీరం లో నీరసం తగ్గుతుంది.
తల తిరగడం, కడుపులో గడబిడలాంటి వాటిని కొబ్బరినీళ్లు బాగా తగ్గిస్తాయి.గర్భిణీలు, పాలు ఇచ్చే తల్లులు కొబ్బరి నీళ్ళను తాగుతూ ఉండాలి . తల్లులు తాగే కొబ్బరి నీరు పాపాయి ఆరోగ్యానికి ఎంతగానోఉపయోగపడతాయి.పాలు ఇచ్చే తల్లులు కొబ్బరి నీటిని తాగితే పిల్లలు పాల ద్వారా అనేక పోషకాలు పొందుతారు.
తల్లి పాలలో లారిక్ యాసిడ్ ను పెంచడానికి ,కొబ్బరి నీరు బాగా పనిచేస్తుంది.దీనిలో యాంటీఫంగల్, యాంటీ బ్యాక్టీరియల్, యాంటీ. వైరల్ లక్షణాలు ఉంటాయి. కాబట్టి చిన్నపిల్లల్ని అనేక ఇన్ ఫెక్షన్ల నుంచి కాపాడుతుంది.
