Sugar: జున్ను అన్న పేరు వినగానే చాలామంది కి నోట్లో నీళ్లు ఊరుతాయి..చాలామందికి ఇది ఫేవరేట్. ఆవు లేదా గేదె ప్రసవించిన తర్వాత ముందు తీసే పాలు జున్ను పాలు అని అంటారు. ఇలా వచ్చిన పాలతో కాకుండా మామూలు పాలు కూడా బాగా కాచి జున్ను తయారు చేసుకోవచ్చు. ఇలా తయారు చేసుకున్న జున్ను లో పాలకంటే ఎక్కువ మోతాదులో పోషక విలువలు లభిస్తాయి.
ఈ జున్ను తో రకరకాల స్వీట్ చేసి తింటుంటారు. దీనిని ఎలా తీసుకుంటే ఆరోగ్యానికి మంచిది అనే విషయాన్ని తెలియ చేస్తున్నారు ఆరోగ్య నిపుణులు. జున్ను తీసుకుంటే కలిగే ఆరోగ్య ప్రయోజనాలు గురించి తెలుసుకుందాం.
జీవక్రియలు సక్రమంగా జరగడానికి జున్ను లో ఉండే విటమిన్ బి2, ఎ, డి, కె, వంటివి బాగా ఉపయోగపడతాయి. జున్ను తరచుగా తీసుకుంటూ ఉంటే చర్మ సౌందర్యం మరింత పెరుగుతుంది.చాలామంది చాలా బక్కగా, పీలగా ఉంటారు. అలాంటివారు ప్రతి రోజూ జున్ను తింటే మంచిది అని ఆరోగ్య నిపుణులు తెలియచేస్తున్నారు. శరీరానికి కావలసిన శక్తి ని జున్ను లో ఉండే ప్రోటీన్స్ అందిస్తాయి . తరచూ దీనిని తినడం వలన జ్ఞాపక శక్తి వృద్ధి చెందుతుంది.
శరీరంలో విటమిన్ డి లోపం కారణంగా ఆస్టియోపోరోసిస్ ని ఎదుర్కోవలసి వస్తుంది. ఈ లోపాన్ని తగ్గించాలంటే జున్ను తింటూ ఉండాలి. జున్ను లో విటమిన్ డి పుష్కలంగా ఉండి ఈ లోపాన్ని తొలగించుట సహాయపడుతుంది.
జున్ను లో క్యాల్షియం ఎక్కువగా ఉండటం వలన ఇది దంతాలు, ఎముకల బలానికి ఎంతో దోహదపడుతుంది. ప్రెగ్నెంట్ గా ఉన్నప్పుడు ఆడవారు ప్రతిరోజూ రెండుపూటలా జున్ను లో కొంచెం పంచదార లేదా తేనె కలిపి తీసుకోవడం వలన శిశువు ఆరోగ్యానికి ఇది బాగా సహాయ పడటం తో పాటు,తల్లి కి పాలు కూడా వృద్ధి చెందుతాయి.విరేచనాలు, మలబద్దకం సమస్యలని జున్ను తొలగిస్తుంది. షుగర్ వ్యాధితో బాధపడేవారు, రోజుకు ఒక్కసారైనా జున్ను తీసుకుంటే వ్యాధి తగ్గుముఖం పట్టడంతో పాటు శరీర రోగనిరోధక శక్తి కూడా పెరుగుతుంది.పెరిగి అనారోగ్యాలు కలగకుండా చూసుకోవచ్చు.