Problems: ఉదయం నిద్రలేచిన వెంటనే కొన్ని రకాల వస్తువులను చూస్తే ఇబ్బందులకు గురి కావలసి వస్తుంది. డబ్బు లేదా కుటుంబ పరమైన సమస్యలు వస్తాయి. ఉదయం లేవగానే ఉండకూడని వస్తువుల గురించి తెలుసుకుందాం.ఉదయం నిద్ర లేవగానే చెత్తబుట్ట, చెప్పులు చూస్తే మహా దరిద్రం అనుభవించాల్సి వస్తుంది. . ఖర్చులు పెరిగిపోయి దరిద్ర దేవత ఇంట్లో నాట్యం చేస్తుంది. నిద్ర నుండి మేల్కొని కళ్ళు తెరిచినప్పుడు అరచేతులను చూసుకోవాలి తప్ప ఎదుట వారి పాదాలు ఎట్టి పరిస్థితుల్లో చూడకూడదు. అలా ఎదుట వారి పాదాలు చూస్తే అదృష్టం పోతుంది. జరగవలసిన పనులు ఆగిపోతాయి. ఉదయం నిద్ర లేవగానే ఆకాశం వైపు కూడా చూడకూడదు. ఉదయం నిద్ర లేవగానే జుట్టు విరబోసుకున్న స్త్రీ ని కూడా చూడకూడదు.
ఒకవేళ పొరపాటున అలాంటి వారు కనిపిస్తే కుటుంబ తగాదా లు పెరుగుతాయి. ఉదయం నిద్రలేచిన వెంటనే పగిలిపోయి ఉన్న గడియారాన్ని చూడకూడదు. ఒకవేళ ఇంట్లో ఇలాంటి గడియారం కనుక ఉంటే వెంటనే దాన్ని తీసి పక్కన పెట్టండి. ఉదయం లేచిన వెంటనే అద్దంలో చూసుకోకూడదు. ఆ సమయంలో అద్దంలో నెగిటివ్ ఎనర్జీ ఉంటుంది. మీరు అద్దంలో చూసుకుంటే ఆ ప్రభావం మీ మీద పడి రోజంతా బాగుండదట. ఇతరుల నీడని కూడా చూడకూడదు. ఎందుకంటే ఆ వ్యక్తి కి ఏమైనా ఇబ్బందులు, సమస్యలు ఉంటే అవి మనల్ని వెంబడిస్తాయి . కాబట్టి తెల్లవారుజామున ఇతరుల నీడను చూడకుండా ఉండడం మంచిది.ఇంట్లో పగిలిపోయిన వస్తువులు , ఫర్నిచర్ల లో నెగెటివ్ ఎనర్జీ ఎక్కువగా ఉంటుంది. నిద్రలేచాక అలాంటి వాటిని చూడడం మంచిది కాదు. ఇంట్లో పగిలి పోయిన వస్తువులు ఉంటే వాటిని పక్కన పెట్టేయడం మంచిది. ఉదయం నిద్ర లేవగానే బెడ్ మీది నుంచి సరాసరి వంటగదిలోకి వెళ్లి స్టవ్ ను వెలిగిస్తే దురదృష్టం కలుగుతుంది.
అందుకే నిద్రలేచిన వెంటనే పళ్ళు తోముకుని మొహం కడుక్కుని తర్వాత వంట గదిలోకి వెళ్లడం శుభప్రదం . వంటగదిలో లో అపరిశుభ్రమైన గిన్నెలను చూడకూడదు. చాలా మంది రాత్రి భోజనం చేసిన తర్వాత ఆ ప్లేట్స్ ,గిన్నెలు అలాగే సింక్లో వదిలేస్తారు. ఉదయం నిద్రలేచిన తర్వాత వాటిని శుభ్రం చేస్తారు. కానీ ఉదయాన్నే అలాంటి పాత్రలు చూస్తే దురదృష్టం పట్టుకుంటుందట.మరుగుతున్న నీటి నుంచి వచ్చే ఆవిరిని కూడా మనం చూడకూడదు. అందులో నెగెటివ్ ఎనర్జీ ఉంటుంది. పాత్రల నుంచి వచ్చే నీటి ఆవిరిని చూడడం వలన ఆ రోజు ఏ పనులూ జరగవట.వంట గదిలో ఉండే కొన్ని పాత్రలు నల్లగా ఉంటాయి. ఏదైనా ఆహారం వండినప్పుడు అది మాడి పొతే నల్లటి మరకలు ఏర్పడతాయి. కొన్ని మసి బారిపోయి నల్లగా తయారవుతాయి. అలాంటి వస్తువులు ఉదయాన్నే చూడటం అసలు మంచిది కాదు. గుమ్మడి కాయలో నెగెటివ్ ఎనర్జీ ఉంటుంది. కాబట్టి ఉదయాన్నే నిద్రలేచిన వెంటనే చూడకూడదు. కత్తులు, కత్తెరలు, కర్రలలో నెగెటివ్ ఎనర్జీ ఉంటుంది. కాబట్టి వీటిని ఉదయాన్నే చూడకపోవడం మంచిది అని నిపుణులు తెలియచేస్తున్నారు.