Cashew Nuts :ఫంక్షన్, పార్టీ అంటే చాలు ముందుగా గుర్తు వచ్చేది మందు తాగడమే.. ఇవి లేకపోయినా కూడా తాగడం అందరికీ అలవాటుగా మారింది. అసలు మందు లేకుండా పార్టీ జరగదు అనడంలో ఎలాంటి ఆశ్చర్యం లేదు. అంతలా మందు తాగడానికి అలవాటు పడిపోయారు మనుషులు. మందు తాగడం వరకు పర్వాలేదు కానీ దానిలో నంజుకు తినే పదార్థాల మీదే అందరికీ సందేహం. మందు తాగేటప్పుడు కారం,కారం గా ఉన్న పదార్థాలను తీసుకోవడానికి ఎక్కువ ఇష్టపడతారు. మరికొందరు ఆ సమయంలో పండ్లు తినడానికి ఇష్టపడతారు. ఐతే మందు తాగేటప్పుడుఎలాంటి ఆహారం తీసుకోవాలో తెలుసుకుందాం.
మందు తాగేటప్పుడు పాల పదార్థాలు మంచింగ్ కి పెట్టుకోకూడదు. కొందరికి జున్ను తినే అలవాటు ఉంటుంది. ఇలాంటి అలవాటు ఉంటే వెంటనే మానుకోండి..ఎందుకంటే ఇలా తింటే జీర్ణక్రియ దెబ్బతినే అవకాశం ఉంది. చిప్స్, మిర్చి బజ్జీ, వంటి పదార్థాలని కూడా మంచింగ్ గా తీసుకోకూడదు. వీటిలో గ్యాస్ ను తెప్పించే లక్షణం ఎక్కువగా ఉంటుంది. దీనివల్ల అతి దాహం పుడుతుంది. అందువల్ల మద్యం తాగినప్పుడు నూనెలో వేయించిన పదార్థాలు అసలు తినకండి..
చాలా మంది మందులోకి మంచింగ్ గా జీడిపప్పు మంచిది అని తినేస్తుంటారు. కానీ అది ఎంత మాత్రం నిజం కాదు. జీడిపప్పులో కొవ్వు శాతం ఎక్కువగా ఉంటుంది. కొవ్వు శాతం ఎక్కువగా ఉన్న ఏ పదార్థాలు తిన్న ఆరోగ్యం పాడవుతుంది. వీటివల్ల గుండెకు సంబంధించిన సమస్యలు వచ్చే ప్రమాదం ఉంది. కాబట్టి మందు తాగేటప్పుడు ఇలాంటి కొన్ని జాగ్రత్తలు పాటించడం మంచిది.అయితే ఇక్కడ గుర్తుపెట్టుకోవాల్సిన విషయం ఏమిటంటే మద్యపానం ప్రమాదం అని మరువకండి!!