విజయవాడలోని గురునానక్ కాలనీ ఎన్‌ఏసి కళ్యాణ మండపంలో కేంద్ర ఎన్నికల కమిషన్ ఆధ్వర్యంలో ఎన్నికల అధికారులకు శుక్రవారం శిక్షణా కార్యక్రమం నిర్వహించారు. ఈసిఐ డైరెక్టర్ నిఖిల్ కుమార్ పవర్ పాయింట్ ప్రజంటేషన్ ద్వారా కౌంటింగ్ నిబంధనలు వివరించారు.
కౌంటింగ్ కేంద్రాలలో టేబుల్స్ ఏర్పాట్లు, వీడియో కవరేజ్ అంశాలపై స్పష్టమైన సూచనలను నిఖిల్ కుమార్ చేశారు. కౌంటింగ్ కేంద్రాల వద్ద మూడు అంచెల భద్రత ఏర్పాటు చేయడం జరుగుతున్నదని నిఖిల్ కుమార్ తెలిపారు.
వివిపాట్ కౌంటింగ్ కేంద్రం నిర్వహణ, ఓట్ల లెక్కింపు, ఫలితాలు తెలియజేయడం తదితర అంశాలలో తీసుకోవాల్సిన జాగ్రత్తలను నిఖిల్ కుమార్ వివరించారు.
ఈ కార్యక్రమంలో అదనపు ప్రధాన ఎన్నికల అధికారి సుజాత శర్మ, కృష్ణా కలెక్టర్ ఇంతియాజ్, నెల్లూరు కలెక్టర్ ముత్యాల రాజు, ఈసీఐ డైరెక్టర్ నిఖిల్ కుమార్ , ఈసిఐ అధికారులు, అండర్ సెక్రెటరీ మధుసూదన్ గుప్తా, ఐటీ డైరెక్టర్ విఎన్ శూఖ్ల పాల్గొన్నారు. 25 పార్లమెంట్, 175 అసెంబ్లీ నియోజకవర్గాలకు చెందిన ఆర్‌ఒలు, 13 జిల్లాల కౌంటింగ్ కేంద్రాల పర్యవేక్షకులు పాల్గొన్నారు.
