Chaavu Kaburu Challaga review :కార్తికేయ, లావణ్య త్రిపాఠి జంటగా నటించిన చిత్రం ‘చావు కబురు చల్లగా‘. శుక్రవారం విడుదలైన సినిమాలన్నింటిలో ఎక్కువ అంచనాలతో థియేటర్ లోకి అడుగు పెట్టిన చిత్రం ఇదే కావడం విశేషం. రియలిస్టిక్ లవ్ డ్రామా నేపథ్యంలో తెరకెక్కిన ఈ చిత్రం ఎలా ఉందో చూద్దాం…
పాజిటివ్ లు
- కార్తికేయ పర్ఫార్మెన్స్ ఈ సినిమాలో మరొక లెవెల్ లో ఉంది అనే చెప్పాలి. యాక్టర్ గా అతను చాలా మెరుగు పడ్డాడు. బస్తీ బాలరాజు అనే క్యారెక్టర్ కు పూర్తి న్యాయం చేశాడు కార్తికేయ.
- లావణ్య త్రిపాఠి కూడా డి గ్లామరస్ పాత్రలో మెప్పించింది. ఆమె పాత్ర క్యారెక్టరైజేషన్ చాలా కొత్తగా బాగుంటుంది, ఛాలెంజింగ్ గా మంచి నటన ను డిమాండ్ చేస్తుంది. లావణ్య కూడా ఈ చాలెంజ్ ను అధిగమించింది అనే చెప్పాలి.
- మొదటి అర్ధ భాగం ఎక్కడ బ్రేక్ లేకుండా కొంచెం కూడా బోర్ కొట్టించుకుండా.. చక్కగా సాగిపోతుంది. కామెడీ ఎలిమెంట్స్ తో కావాల్సినంత ఎంటర్టైన్మెంట్ తో ప్రేక్షకులకు మంచి అనుభూతి కలిగిస్తుంది.
- సినిమా లో ఉండే డైలాగ్స్ గురించి స్పెషల్ గా చెప్పుకోవాలి. ఫస్ట్ హాఫ్, సెకండ్ హాఫ్ లో వీటి ఇంపాక్ట్ గట్టిగా ఉంటుంది. ఎమోషనల్ డైలాగ్స్ అయినా…. హీరో చలాకీగా సరదాగా చెప్పేది డైలాగ్స్ అయినా వాటి లోతుల్లో చాలా అర్థం ఉంటుంది.
మైనస్ లు
- సినిమా రెండవ అర్ధ భాగం ప్రేక్షకులకు కొద్దిగా విసుగు తెప్పిస్తుంది. కథకు ముగింపు ఇవ్వడానికి డైరెక్టర్ రాసుకున్న సబ్–ప్లాట్ పెద్దగా ఫలితాన్ని ఇవ్వలేదు అని చెప్పాలి.
- ఇక ఎమోషనల్ ఎపిసోడ్స్ అనుకున్నంత స్థాయిలో ఫీలింగ్ ఇవ్వలేదు. ఎమోషన్ పండేందుకు తగిన పరిస్థితి క్రియేట్ చేయగలిగినా… ఆ ఇంపాక్ట్ అనేది స్క్రీన్ పైన కనబడలేదు.
- మొదటి అర్ధ భాగం తో పోలిస్తే రెండవ అర్ధ భాగం ప్రేక్షకులను నిరాశ పరుస్తుంది. ఈ విషయంలో దర్శకుడు శ్రద్ధ చూపించాల్సిన అవసరం ఎంతైనా ఉంది. కేవలం పాత్రల మీదనే సినిమా నడపడం కాకుండా… కథనం కూడా బలంగా మరింత ఉంటే ఎంతో బాగుండేది.
- ఇక నరేషన్ విషయంలో కూడా దర్శకుడు కొద్దిగా తడబడ్డాడు. రెండవ అర్ధ భాగంలో ఎంటర్టైన్మెంట్ కరువు అయింది. అలాగని ఎమోషన్ అయినా పూర్తిస్థాయిలో పడిందా అంటే అదీ లేదు. ఇలా సినిమా మొత్తం పడుతూ లేస్తూ ముందుకు సాగడం జరిగింది.
Chaavu Kaburu Challaga review : కథ
హీరో బాలరాజు (కార్తికేయ) అంతక్రియలు జరిపించే వ్యక్తి. ఒకరోజు పీటర్ అనే వ్యక్తి శవాన్ని మోస్తూ అతని భార్య మల్లిక (లావణ్య త్రిపాఠి) ని చూసి వెంటనే ప్రేమలో పడతాడు. ఆమె ఎక్కడికి వెళ్లినా ఆమె వెంట పడుతూ టీజ్ చేస్తూ తనని తిరిగి ప్రేమించమని అడుగుతాడు. బాలరాజు తో విసిగిపోయిన మల్లిక పోలీస్ కంప్లైంట్ ఇస్తుంది. అయితే స్టేషన్ నుండి బయటకు వచ్చిన బాలరాజు కి ఒక పెద్ద ట్విస్ట్ ఎదురవుతుంది. ఆ తర్వాతే కథలోకి బాలరాజు తల్లి ఆమని ప్రవేశిస్తుంది. అక్కడనుండి కథ కీలక మలుపు తీసుకుంటుంది. చివరికి బాలరాజు జీవితంలోని మరొక భాగం ప్రేక్షకులకి పరిచయమవుతుంది. ఇక మల్లిక చివరికైనా బాలరాజుని తిరిగి ప్రేమిస్తుందా లేదా అన్నది మిగిలిన కథ.
Chaavu Kaburu Challaga review : విశ్లేషణ
‘చావు కబురు చల్లగా‘ సినిమా సరికొత్త స్టొరీ లైన్ పైన మొదలవుతుంది. మొదటి అర్ధ భాగం మొత్తం ఎటువంటి ఇబ్బందులు లేకుండా సాగిపోతుంది. సినిమాలో ప్రొడక్షన్ వ్యాల్యూస్ అత్యద్భుతంగా ఉన్నాయి. కార్తికేయ పర్ఫామెన్స్ కూడా అద్భుతంగా చేశాడు. లీడ్ పెయిర్ కెమిస్ట్రీ బాగా కుదిరింది. అయినప్పటికీ రెండవ అర్ధ భాగంలో సినిమా డౌన్ అయిపోవడం, ఎమోషన్స్ అనుకున్న స్థాయిలో పండకపోవడం…. కథ సాగే తీరు కూడా సరిగ్గా లేకపోవడం ప్రేక్షకులకు విసుగు తెప్పిస్తుంది. మొదటి భాగంలో ఉన్న ఎంటర్టైన్మెంట్, ఫ్లో, రెండవ అర్థభాగంలో పూర్తిగా కరువు అయిపోయింది. మంచి కంటెంట్ ఉన్నప్పటికీ దాన్ని ప్రజెంట్ చేయడంలో విఫలమై దర్శకుడు ప్రేక్షకులకు అవసరమైన ఫీలింగ్ అందించలేకపోయారు. మొత్తానికి ‘చావు కబురు చల్లగా‘ సినిమా మొదటి అర్ధ భాగం తో ఆశలు పెంచేసి రెండవ అర్ధ భాగంలో పూర్తిగా నిరాశపరిచింది.
ఇంతకీ చూడొచ్చా…? ఫస్ట్ ఛాయిస్ సినిమా అయితే కాదు. వారాంతంలో మరీ ఖాళీగా ఉన్నాము అనుకుంటే ఒకసారి చూడవచ్చు. లేదంటే ఓటిటి కోసం వెయిట్ చేయడమే.
చివరి మాట : ఫస్ట్ హాల్ చల్లగా… సెకండ్ హాఫ్ లో చావు కబురు
