టాలెంటెడ్ నటులు ఈటీవీ ఛానల్ లోని జబర్ధస్త్ కామెడీ షో ద్వారా తెలుగు ప్రేక్షకులకు పరిచయమయ్యారు. బులితెర మీద మాత్రమే కాకుండా వెండి తెర మీద కూడా అవకాశాలు దక్కించుకుని రాణిస్తున్నారు. ఈ కోవకు చెందిన వారే చమ్మక్ చంద్ర. జబర్ధస్త్ షో లో తనదైన స్టయిల్లో తన కామెడీ మరియు టైమింగ్ తో అందరి అభిమానాన్ని సంపాందించుకుని జబర్దస్త్ షో కి ఎంతమంది కొత్తవాళ్లు వచ్చినా చివరి వరకు తన క్రేజ్ ఏ మాత్రం తగ్గకుండా చూసుకుంటూ వచ్చారు.
అయితే నాగబాబు అనుకోకుండా ఈటీవీ జబర్ధస్త్ను వీడి జీ తెలుగు ‘అదిరింది’ ప్రోగ్రాం కి వెళ్లిపోవడంతో, ఆయన జాడలోనే నాగబాబుని నమ్ముకుని చంద్రా కూడా అక్కడికి వెళ్లిపోయాడు. అయితే, అక్కడ కూడా చంద్ర తన కామెడీ తో ఆకట్టుకోవడంలో సఫలమయ్యారు. ప్రోగ్రాం ఏదైనప్పటికీ ఆడియెన్స్ మాత్రం చంద్ర స్కిట్స్ కి అలవాటు పడిపోయారు. కానీ ఈ మధ్య జీ తెలుగు లో ‘బొమ్మ అదిరింది’ షో ప్రసారం అవ్వకపోవడంతో అందులోని నటుల పరిస్థితి అగమ్యగోచరంగా మారింది. అయితే చంద్ర మళ్లీ తిరిగి జబర్ధస్త్ కు వస్తారనే టాక్ కూడా వినిపిస్తోంది. ఇటీవల నాగబాబుతో చంద్ర కి ఓ విషయంలో విభేదాల రావడంతో వీరి మధ్య గ్యాప్ వచ్చిందని ప్రచారం కూడా సాగింది.
ఈ నేపధ్యం లోనే చమ్మక్ చంద్ర మళ్లీ జబర్ధస్త్లోకి వస్తారని ఊహాగానాలు వినిపిస్తున్నాయి. బుల్లితెరపై కనిపించే విషయంలో డెసిషన్ తీసుకోవడం లో చమ్మక్ చంద్ర ఇంకా ఆలస్యం చేస్తే అది ఆయన కెరీర్కు తీవ్ర ఇబ్బందులను తెచ్చిపెడుతుందని మరోవైపు కొందరు సూచిస్తున్నారు. ఇందుకు ఉదాహరణ కమెడియన్స్ వేణు మరియు ధనరాజ్ వంటి వాళ్లే అని కొందరు అభిప్రాయపడుతున్నారు.