సాధారణంగా రాజకీయాల్లో ఏ పార్టీ వ్యూహాలు వారికుంటాయి.. ఏ పార్టీ హామీలు వారికి ఉంటాయి.. ఎవరి బ్యాక్ బోన్ వర్గం వారి కుంటుంది.. ఫలితంగా వాటికి అనుగుణంగానే వారి ఎన్నికల ప్లాన్స్ ఉంటుంటాయి. ఈ క్రమంలో ఏ రాజకీయ పార్టీ అయితే తన ప్రత్యర్ధి పార్టీ స్టైల్లో ఆలోచించాలని అనుకుంటుందో… అక్కడితో వారి ఫెయిల్యూర్ స్టార్ అయినట్లే కాదు.. పతనం కూడా మొదలయినట్లే!!
చంద్రబాబు తన రాజకీయ జీవితంలో ఇప్పటివరకూ ఎన్ని హామీలు ఇచ్చారు.. వాటిలో ఎన్ని హామీలను నెరవేర్చారు.. దాదాపు అందరికి తెలిసిన విషయమే! ఈ క్రమంలో జనం నమ్మడం సంగతి దేవుడెరుగు.. అసలు బాబు రాబోయే ఎన్నికల్లో ఇంకేమి హామీలిచ్చి ప్రజల్లోకి వెళ్లాలి! రుణాలు మాఫీనా… ఆపేరెత్తితే జనాలు కొడతారు! నిరుద్యోగ భృతా… కుర్రాళ్లు ఎగురి మరీ…! కలల రాజధాని… పేరులోనే ఉందిగా “కల” అని! డ్వాక్రా రుణాలు… నమ్మరుగా! అభివృద్ధి చేస్తామంటే… జనాలు విసిగిపోయారుగా! లక్షల సంఖ్యలో ఉద్యోగాలు ఇప్పిస్తామంటే… నవ్విపోదురుగా! మరి ఇంకేమి ఇవ్వాలి!!
ఈ సమయంలో జగన్ నవరత్నాల బుక్ వైపు చూస్తున్నారంట చంద్రబాబు! దస్తాలు దస్తాలు, రీములు రీములు పేపర్ వాడకుండా… కేవలం ఒక్క కాగితంలో “నవరత్నాలు” అని ముద్రించి బ్రహ్మాస్త్రాన్ని వదిలారు జగన్. ఆ అస్త్రం కాస్తా బాబుగారి కోటను చిధ్రం చేసేసింది! పైగా ఆ నవరత్నాలు అన్నింటినీ జగన్ తొలి ఏడాది లోనే చేసి చూపించేశారు కూడా! కాబట్టి.. కాస్త అటు ఇటుగా రాబోయే ఎన్నికల్లో తాను కూడా ఇలా సింపుల్ గా ఒక ప్లాన్ చేయాలని, కానీ అది చాలా పవర్ ఫుల్ గా ఉండాలని భావిస్తున్నారంట. దీంతో… జగన్ పద్మవ్యూహంలోకి బాబు వచ్చిపడినట్లేనని విశ్లేషకులు అభిప్రాయపడుతున్నారు. పక్కోడి కాగితం చూడటం అలవాటు చేసుకుంటే.. సొంత ఆలోచనలు పక్కదారి పట్టడమే కాదు, కొంతకాలానికి కనుమరుగైపోతాయి కూడా!!
