Icon : అల్లు అర్జున్ ఐకాన్ అనే సినిమా కమిటయిన సంగతి తెలిసిందే. నా పేరు సూర్య నా ఇల్లు ఇండియా సినిమా తర్వాత ఐకాన్ చేయాల్సింది. అయితే ఈ సినిమా ఫ్లాప్ అవడంతో అల్లు అర్జున్ ఐకాన్ సినిమా చేయకుండా ఆగాడు. త్రివిక్రం శ్రీనివాస్ దర్శకత్వంలో అల వైకుంఠపురములో సినిమా చేసి ఇండస్ట్రీ హిట్ కొట్టాడు. ఈ సినిమా పాన్ ఇండియన్ రేంజ్ కాకపోయినా అంతటి విజయాన్ని అందుకుంది. దాంతో నెక్స్ట్ సినిమా పాన్ ఇండియన్ రేంజ్ లో ఉండాలని పుష్ప సినిమాను కమిటయ్యాడు. సుకుమార్ ఈ చిత్రాన్ని తెరకెక్కిస్తున్నాడు.
వెబ్ సిరీస్ కోసం రాసుకున్న కథనే సుకుమార్ పాన్ ఇండియన్ లెవల్ లో పుష్పగా మార్చాడు. దానికి అల్లు అర్జున్ మేకోవర్ పెద్ద ప్లస్ అయ్యేలా మార్చాడు. ఇంట్రడ్యూసింగ్ వీడియోను రిలీజ్ చేసిన సుకుమార్ షాకిస్తూ అల్లు అర్జున్ ని ఐకాన్ స్టార్ గా ప్రకటించాడు. ఐకాన్ స్టార్ అల్లు అర్జున్ అనగానే మెగా అభిమానులతో ఆటు ప్రేక్షకుల్లోనూ విపరీతమైన క్రేజ్ పెరిగింది. ఈ సినిమా తర్వాత అల్లు అర్జున్ పాన్ ఇండియన్ స్టార్ గా విపరీతమైన క్రేజ్ దక్కుతుందని అందరు ఫిక్సైపోయారు. దాంతో ఆయనతో సినిమా చేసేందుకు స్టార్ డైరెక్టర్ రెడీ అవుతున్నారు.
Icon : పాన్ ఇండియన్ స్థాయిలో స్క్రిప్ట్ లో భారీ మార్పులు చేస్తున్నట్టు సమాచారం.
బోయపాటి శ్రీను, ప్రశాంత్ నీల్, తమిళ దర్శకులు లోకేష్ కనగ్ రాజ్, హెచ్.వినోద్, కార్తీక్ సుబ్బరాజ్, విక్రం కె కుమార్ ..ఇలా చాలామంది కథలను పాన్ ఇండియన్ స్థాయిలో సిద్ద చేసుకొని రెడీగా ఉన్నారట. అయితే ఇంతక ముందు చేయలనుకొని ఆగిపోయిన ఐకాన్ మళ్ళీ కదిలిందని చెప్పుకుంటున్నారు. దర్శకుడు వేణు శ్రీరాం ఐకాన్ కథను మళ్ళీ డెవలప్ చేస్తున్నాడట. పాన్ ఇండియన్ స్థాయిలో స్క్రిప్ట్ లో భారీ మార్పులు చేస్తున్నట్టు సమాచారం. ఇటీవల వకీల్ సాబ్ సినిమాతో వేణు శ్రీరాం స్టార్ డైరెక్టర్ గా క్రేజ్ సంపాదించుకున్నాడు.
