Children : చాలా మంది పిల్లలలో బ్రొటన వేలు నోట్లో పెట్టుకోవడం చూస్తుంటాం. పిల్లలు విసుగు చెందడం, వారికి ఆకలి వేయడం, బిడ్డ తన మీద ప్రేమ చూపాలనుకోవడం వంటి కారణాలతో ఇలా చేస్తుంటారు . అప్పుడు వారిని కొట్టడం , చీవాట్లు పెట్టడం, వేళ్ళను కట్టి వేయడం, వేళ్ళకు చేదుగా ఉన్న పదార్థం రాయడం వంటి పనులు అసలు చేయకూడదు.
వేళ్ళు నోట్లో పెట్టుకున్నప్పుడు తనమీద శ్రద్ధ, ప్రేమ తగ్గిపోయింది అన్న అభద్రతా భావం కలిగి ఉన్నాడని అర్థం చేసుకునిఆ భావన నుండి బయట పడేలా వారికీ ప్రేమ, వాత్సల్యం చూపాలి.అభద్రతాభావం,భయం బిడ్డకు మూత్ర విసర్జనలో శిక్షణ ఇవ్వకపోవడం వలన అలా పక్క తడుపుతారు. అప్పుడు వారిని పెద్దగా అరవడం, కొట్టడం ,బలవంతంగా మూత్ర విసర్జనకు వచ్చినప్పుడు తెలియజేయాలని చెప్పడం,పదే పదే మూత్ర విసర్జన చేయాలని విసిగించడం వంటి వి అసలు చేయకూడదు .
పిల్లలు ఎదిగిన కొద్దీ మూత్ర విసర్జనకు వెళ్లడం అలవాటు చేసుకుంటారు అని అర్థం చేసుకోవాలి. పిల్లలకు తగినంత స్వేచ్ఛ ఉండేలా చూడాలి. అన్ని సరిగా చేయడానికి వారు పెద్దవాళ్ళు కాదు వారు ఏది చేసిన తెలియని తనం తోనే చేస్తారని వారికి నెమ్మదిగా ప్రేమతో నచ్చ చెప్తే నేర్చుకుంటారని మరువకండి.. మన ఈ పెద్ద బుర్రకు అన్ని తెలుసనీ అలాగే వాళ్ళకి తెలిసి ఉండాలని ఆలోచించకండి మనం కూడా ఒకప్పుడు పిల్లలమే అని గుర్తు పెట్టుకోండి. మీరు వారిని ఎదుర్కొనే విధానం లోనే వారి భవిష్యత్తు ఆధారపడి ఉందని మరువకండి..మీరు ఎంత ఓర్పుగా సరిదిద్దితే వారు అంత మంచి వ్యక్తులుగా రాణిస్తారు.