Chiranjeevi : చిరంజీవి.. బాలకృష్ణ.. వెంకటేష్.. రవితేజ .. ఈ నలుగురు స్టార్ హీరోలు ఒకే నెలలో బాక్సాఫీస్ వద్ద భారీగా పోటీకి రెడీ అయ్యారు. ఇప్పటికే చిరంజీవి ఆచార్య.. వెంకటేష్ నారప్ప.. రవితేజ ఖిలాడి సినిమాల రిలీజ్ డేట్స్ ప్రకటించగా తాజాగా నందమురి బాలకృష్ణ నటిస్తున్న బిబి3 రిలీజ్ డేట్ అనౌన్స్ చేశారు. అయితే అందరు ఎందుకు మే నెలలోనే రిలీజ్ డేట్ ఫిక్స్ చేసుకున్నారన్నది ఇప్పుడు ఇండస్ట్రీ వర్గాలలో .. ప్రేక్షకుల్లో మెదలుతున్న పెద్ద ప్రశ్న. సాధారణంగా ఇప్పుడున్న పరిస్థితుల్లో ఇలా ఒకే నెలలో నాలుగు పెద్ద సినిమాలని రిలీజ్ చేయాలనుకోరు.
చిరంజీవి నటిస్తున్న ఆచార్య సినిమాకి కొరటాల శివ దర్శకత్వం వహిస్తున్నాడు. మెగా పవర్ స్టార్ రాం చరణ్ కీలక పాత్రలో నటిస్తున్నాడు. ఒకరకంగా మల్టీస్టారర్ గానే ఈ సినిమా తెరకెక్కుతోంది. కాజల్ అగర్వాల్ హీరోయిన్ గా నటిస్తున్న ఈ సినిమాని రాం చరణ్ – నిరంజన్ రెడ్డి నిర్మిస్తున్నారు. ఇప్పటికే ఈ సినిమా కోసం కొరటాల శివ దాదాపు మూడేళ్ళ పైనే వేయిట్ చేశాడు. మెగాస్టార్ కి గ్యారెంటీగా బ్లాక్ బస్టర్ ఇవ్వాలని కసిగా ఉన్నాడు. ఇక వెంకటేష్ ఎఫ్ 2 .. వెంకీ మామా సినిమాలతో మంచి హిట్స్ అందుకొని ఉన్నాడు. తమిళ హిట్ సినిమా అసురన్ కి రీమేక్ గా రూపొందుతున్న నారప్ప తో హ్యాట్రిక్ హిట్ కొట్టాలని టార్గెట్ పెట్టుకున్నాడు.
Chiranjeevi : అందరికీ బాక్సాఫీస్ వద్ద భారీ హిట్ అవసరం..!
మాస్ మహారాజ రవితేజ కి దాదాపు మూడేళ్ళ తర్వాత క్రాక్ సినిమాతో సాలీడ్ హిట్ దక్కింది. ఒకరకంగా రవితేజ మళ్ళీ ఇండస్ట్రీకి ఊపు తెచ్చాడని చెప్పాలి. అందరు కూడా అదే చెప్పుకుంటున్నారు. ఈ ఊపులోనే ఖిలాడి సినిమాతో రాబోతున్నాడు. రమేష్ వర్మ ఈ సినిమాకి దర్శకత్వం వహిస్తున్నాడు.రవితేజ డ్యూయల్ రోల్ లో నటిస్తున్నాడు. ఇక నందమూరి బాలకృష్ణ కి మంచి హిట్ పడి చాలాకాలం అవుతోంది. ఈసారి బోయపాటి శ్రీనుతో హ్యాట్రిక్ హిట్ అందుకోవాలని కసితో బిబి3 చేస్తున్నాడు. అందరికీ బాక్సాఫీస్ వద్ద భారీ హిట్ అవసరం. కాని ఒకే నెలలో ఇలా ఒకే రోజు.. ఒక్కరో గ్యాప్ తో రావాలనుకోడం ఏంటో మరి.