Yandamuri Veerendranath: యండమూరి వీరేంద్రనాధ్ Yandamuri Veerendranath: నవలా రంగంలో తిరుగులేని ఆధిపత్యం చెలాయించారు. 80వ దశకంలో ఆయన నవలలు వార పత్రికల్లో హైలైట్. ఆయన సీరియల్స్ కోసమే వారపత్రికలు హాట్ కేకుల్లా అమ్ముడయ్యేవి. అప్పట్లో సినిమా తప్పితే వేరే ఎంటర్ టైన్ మెంట్ మాధ్యమం లేదు. దీంతో ఇళ్లలో ఉండే మహిళలకు వారపత్రికలు, నవలలే ప్రత్యామ్నాయం. ఇప్పుడు నెట్టింట్లో వస్తున్న సినిమా వార్తలు, గాసిప్స్, ఫొటోషూట్స్, తారల ఇంటర్వ్యూలన్నీ.. ఈ వారపత్రికల్లోనే. దీంతో రచయితలకు మంచి ప్రాముఖ్యం ఉండేది. అలా.. యండమూరి రచనలకు విపరీతమైన పాపులారిటీ వచ్చింది. ఆయన సీరియల్స్, నవలలెన్నో సినిమాలుగా తెరకెక్కి సూపర్ హిట్లయ్యాయి. అటువంటి నవలే నల్లంచు తెల్లచీర ఒకటి.
ఈ నవలను మెగాస్టార్ చిరంజీవితో దొంగమొగుడుగా తెరకెక్కించారు. ఎ.కోదండరామిరెడ్డి దర్శకత్వంలో తెరకెక్కిన ఈ సినిమా సూపర్ హిట్ అయింది. చిరంజీవిలోని మాస్ కోణాన్ని మరింత కొత్తగా చూపారు. స్టూవర్టుపురం పోలిస్ స్టేషన్, దుప్పట్లో మిన్నాగు నవలలను ఆయన స్వీయ దర్శకత్వంలో సినిమాలుగా తెరకెక్కించారు. అవి రెండూ అప్పట్లో ఫ్లాపయ్యాయి. మూడు దశాబ్దాల తర్వాత ఆయన మళ్లీ మెగాఫోన్ పట్టబోతున్నారు. ‘నల్లంచు తెల్లచీర’ అనే సినిమాకు ఆయన దర్శకత్వం వహించబోతున్నారు. ఆయన రాసిన నవలనే సరికొత్త కథనంతో తెరెకెక్కించే ప్రయత్నం చేస్తున్నారు. ఇందుకు సంబంధించిన పోస్టర్ ను కూడా విడుదల చేశారు. ఈ సినిమాకు కథ, మాటలు, స్క్రీన్ ప్లే, దర్శకత్వం బాధ్యతలు యండమూరి నిర్వహిస్తున్నారు.
Read More: Movie Release: ఒకే రోజు రెండు సినిమాలు రిలీజ్ చేసిన హీరోలు..!!
ఈ సినిమాను ఓటీటీ కోసం రూపొందిస్తున్నారు. ఊర్వశి ఓటీటీ సమర్పణలో భీమవరం టాకీస్ – సంధ్య స్టూడియోస్ బ్యానర్ పై ఈ సినిమా తెరకెక్కుతోంది. నిర్మాతలు తుమ్మలపల్లి రామ సత్యనారాయణ – రవి కనగాల సంయుక్తంగా ఈ సినిమా నిర్మిస్తున్నారు. సినిమాకు తాళ్లూరి నాగరాజు సంగీతం అందిస్తున్నారు. అమీర్ సినిమాటోగ్రఫీ అందిస్తున్నారు. సినిమాపరంగా ఇది మాస్, ఫ్యామిలీ కంటెంట్. చిరంజీవి మాస్, మాధవి, రాధిక నటన, కథ సినిమాకు బలం. చక్రవర్తి సంగీతంలోని పాటలన్నీ సూపర్ హిట్టే. ఇప్పుడు తెరకెక్కిస్తున్న ‘నల్లంచు తెల్లచీర’ దొంగమొగుడుకు రీమక్ మూవీనా.. కొత్త తరహా జోనర్ లో తెరకెక్కుతుందా అనేది చూడాల్సి ఉంది.