ఇజ్రాయేల్ ప్రపంచంలోనే అతి చిన్న దేశాలలో ఒకటి. పైగా అది అరబ్ కంట్రీ ల మధ్య ఉన్న గాని… యుద్ధం చేయటం లో శత్రువుల పన్నాగాలను పసిగట్టడంలో ప్రపంచంలోనే దానికి మించిన దేశం మరొకటి లేదు. ఇదిలా ఉండగా డోనాల్డ్ ట్రంప్ అమెరికా అధ్యక్షుడిగా ఉన్న సమయంలో ఇజ్రాయెల్ కి ఎంతో ఫేవర్ గా నిర్ణయాలు తీసుకున్నారు.
ఆ సమయంలో ఇరాన్ నిర్వహిస్తున్న అణుపరీక్షల ని ఆపేసే విధంగా అమెరికా కలుగజేసుకుంది. గతంలో ఒబామా ఉన్న సమయంలో ఇజ్రాయేల్ అంతర్జాతీయ స్థాయిలో అనేక ఇబ్బందులు ఎదుర్కోవడం జరిగింది. ముఖ్యంగా ఇజ్రాయేల్ దేశానికి వ్యతిరేకంగా వ్యవహరించే ఇరాన్ కి మద్దతుగా ఒబామా నిర్ణయాలు ఉండేవి. దీంతో అప్పట్లో ఇజ్రాయెల్ ఇరాన్ దేశం పై యుద్ధానికి దిగటానికి కూడా ఒకానొక సమయంలో సిద్ధమయ్యింది.
ఇదిలా ఉండగా ఇప్పుడు ట్రంపు ఓటమితో మళ్లీ ఇజ్రాయేల్ ఇరాన్ దేశాల మధ్య యుద్ధ మేఘాలు నెలకొన్నాయి. ఇజ్రాయెల్ దేశానికి వ్యతిరేకంగా ఇరాన్ మళ్లీ అణు పరీక్షలు నిర్వహిస్తున్నట్లు ఇటీవల ఇజ్రాయెల్ గూఢచార సంస్ధ గుర్తించడంతో… ఇజ్రాయిల్ ఏ క్షణంలో అయినా ఇరాన్ పై దాడికి పాల్పడే అవకాశం ఉన్నట్లు వార్తలు అంతర్జాతీయ మీడియాలో వైరల్ అవుతున్నాయి. ముఖ్యంగా ఇటీవల డెమోక్రటిక్ అభ్యర్థి ఒబామా మద్దతు తెలిపిన క్యాండిడేట్ జో బైడన్ గెలవడంతో ఇరాన్ ఈ విధంగా వ్యవహరిస్తున్నట్లు సమాచారం. ఈ క్రమంలో ఇజ్రాయేల్ గూఢచార సంస్థ ఇరాన్ న్యూక్లియర్ ప్లాంట్ కనిపెట్టి అంతమొందించడానికి ప్రయత్నాలు స్టార్ట్ చేసినట్లు అంతర్జాతీయ వర్గాల్లో చర్చ నడుస్తోంది.