అమరావతి, డిసెంబర్ 29 : సమావేశాల పేరుతో ముఖ్యమంత్రి అధికారుల సమయాన్ని వృధా చేస్తున్నారనీ, వీటికి అంతూపొంతూ ఉండడం లేదనీ ఇటీవల వస్తున్న విమర్శలకు ముఖ్యమంత్రి చంద్రబాబు స్పందించారు. ఆ విమర్శల గురించి నేరుగా ప్రస్తావించకపోయినా తనను తాను సమర్ధించుకున్నారు. కలెక్టర్ల సమావేశాలు మేధోమథనానికి ఉపకరిస్తాయనీ, ఫలితాల సాధనలో ఈ సమావేశాల ప్రాధాన్యత చాలా ఉందని చంద్రబాబు అన్నారు.
శనివారం సీఎస్ అనిల్ పునేఠా అధ్యక్షతన కలెక్టర్ల సదస్సు నిర్వహించారు. సదస్సులో ముఖ్యమంత్రి మాట్లాడుతూ కలెక్టర్లు అందరూ విజయాన్ని ఆస్వాదిస్తున్నారని అన్నారు. ఆయన ప్రసంగంలోని ముఖ్యాంశాలు:
- 635 పురస్కారాలు దక్కడం అరుదైన అనుభవం. ఈ అవార్డులు మన అధ్భుతమైన పనితీరుకు నిదర్శనం
- నిరంతరం పనిలోనే నిమగ్నం అవుతున్నాం, పనిలో ఉంటే వేరే ఆలోచనలు కూడా రావు
- చేసిన పనిని ఎవరూ గుర్తించలేకపోవడం అంటూ ఉండదు, కష్టానికి తగిన ఫలితం తప్పకుండా ఉంటుంది.
- విభజన సమయంలో ఎదురైన సమస్యలు వెంటాడుతూ ఉన్నాయి, సమయం కూడా ఇవ్వకుండా హైకోర్టు విభజన చేశారు
- మనం సిద్ధంగానే ఉన్నాం, వచ్చే ఉద్యోగులు సంసిద్ధంగా లేకుండానే హడావుడిగా విభజన చేశారు.
- కోర్టులు కూడా వస్తున్నాయి, విమానయాన సర్వీసులు లేవు, వాటిని వెంటనే కల్పించాలని అందరూ కోరుతున్నారు.
- కాంక్రీట్ విభాగంలో అత్యుత్తమ సాంకేతిక పరిజ్ఞానాన్ని ఉపయోగించి సెక్రటేరియేట్ ర్యాఫ్ట్ పనులకు ఈ నెల 27న శ్రీకారం చుట్టాం
- ఎయిర్షో చివరి నిమిషంలో విత్ డ్రా చేశారంటే ఎంత కక్షగా వ్యవహరిస్తున్నారో అర్థం అవుతోంది
- అవినీతిని చాలా వరకు నియంత్రించాం. అవినీతి నిర్మూలనలో మూడవ స్థానంలో నిలిచాం
- సాంకితికత, జవాబుదారీ విధానాల వల్లనే అవనీతిలో ఎక రోల్ మోడల్గా ఉండగలిగాం
- ప్రభుత్వం సాధించిన విజయాలపై అవగాహన కల్పించడానికి శ్వేతపత్రాలను విడుదల చేస్తున్నాం
- పేదరికంపై గెలుపు కార్యక్రమం ఫలితాలు ఇప్పుడు చూస్తున్నాం
- పౌరుడు ఒకడే, ప్రభుత్వం ఒక్కటే..శాఖలే వేర్వేరు, సమన్వయంతో అన్ని శాఖలూ ఏకోన్ముఖంగా పని చేయాలి
- సేవా రంగంలో తక్కువ పెట్టుబడులు, ఎక్కువ లాభం:
- సర్వీసు సెక్టార్లో నిరంతరం దృష్టి పెడితే అధ్భుత ఫలితాలు వస్తాయి.
- పర్యాటకంగా అభివృద్ధి చెందితే మనకు తిరుగులేదు
- వృద్ధిలో దూసుకుపోతాం
- వ్యవసాయం, అనుబంధ రంగాలలో వృద్ధి కనిపిస్తున్నా సేవా రంగంలో ఇంకా దూసుకువెళ్లాలి. సుస్థిర అభివృద్ధి సేవా రంగం నుండే వస్తుంది
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?