CM YS Jagan: భారత త్రోబాల్ జట్టుకు కెప్టెన్ గా పని చేసిన క్రీడాకారుడు చావలి సునీల్ కు జగన్ సర్కార్ భారీ ఆర్ధిక సాయం అందించింది. రూ.25 లక్షల ఆర్ధిక సాయం చెక్కును మంత్రి ఆర్ కే రోజా, ఎంపీ నందిగం సురేష్ అందజేశారు. గుంటూరు జిల్లా కొల్లిపరకు చెందిన చావలి సునీల్ 2012 నుండి భారత త్రోబాల్ జట్టుకు కెప్టెన్ గా పని చేశారు. చంద్రబాబు సీఎంగా ఉన్న సమయంలో ఆర్ధిక సాయం కోసం విజ్ఞప్తి చేసినా ఫలితం లభించలేదు. ఆర్ధిక ఇబ్బందులతో సతమతమవుతున్న సునీల్..ఎన్నికలకు ముందు జగన్ పాదయాత్రలో కలిసి తన గోడు వెళ్లబోసుకున్నాడు. అధికారంలోకి వచ్చిన తరువాత తప్పన న్యాయం చేస్తానని ఆనాడు జగన్ హామీ ఇచ్చారు. వైసీపీ అధికారంలోకి వచ్చిన తరువాత బాపట్ల ఎంపి నందిగం సురేష్ ఈ విషయాన్ని సీఎం జగన్ కు గుర్తు చేయగా, వెంటనే స్పందించి సునీల్ కు ఆర్ధిక సాయం అందించాలని అధికారులను ఆదేశించారు.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
సీఎం ఆదేశాల మేరకు సునీల్ కు ఆర్ధిక సాయం అందించేందుకు అధికారులు చర్యలు చేపట్టారు. మంత్రి ఆర్కె రోజా, ఎంపి నందిగం సురేష్ లు సునీల్ కు 25 లక్షల రూపాయల చెక్కును అందజేశారు. క్రీడాకారులకు జగన్ సర్కార్ ఎల్లప్పుడూ అండగా ఉంటుందని ఈ సందర్భంగా మంత్రి ఆర్కే రోజా అన్నారు. త్రోబాల్ కెప్టెన్ గా సునీల్ భారత్ జట్టు విజయాల బాటలో నడిపించారని ప్రశంసించారు. తనకు ఆర్ధిక సాయం అందించినందుకు సీఎం వైఎస్ జగన్, మంత్రి ఆర్కే రోజా, ఎంపి సురేష్ లకు కృతజ్ఞతలు తెలియజేశారు సునీల్.
