ప్రముఖ కమెడియన్ అలీ ఈరోజు సైబర్ క్రైమ్ లో ఫిర్యాదు నమోదు చేసారు. సోషల్ మీడియాలో తన పేరిట ఫేక్ ట్విట్టర్ హ్యాండిల్ నడుపుతున్నారని హైదరాబాద్ సైబర్ క్రైమ్ ఏసిపికి కమెడియన్ అలీ ఫిర్యాదు చేసారు. తనకు ట్విట్టర్ లో అకౌంట్ లేదని, ఆ ట్విట్టర్ హ్యాండిల్ ను తొలగించాల్సిందిగా కోరారు అలీ.
వందల కొద్దీ సినిమాల్లో నటించి మెప్పించిన అలీ ప్రస్తుతం టివి షోలకు పరిమితమయ్యారు. ఈటీవిలో అలీతో సరదాగా అనే కార్యక్రమాన్ని హోస్ట్ చేస్తున్నారు అలీ.
అటు కమెడియన్, ఇటు హీరోగా అలీ ఎన్నో ఏళ్ళు స్టార్ గా టాలీవుడ్ లో చక్రం తిప్పాడు. ఇప్పుడు తనకు అవకాశాలు తగ్గడంతో టివిషోలతో ప్రేక్షకులకు టచ్ లో ఉంటున్నారు.
