తెలంగాణ రాజకీయాల్లో సరికొత్త మార్పులు జరగబోతున్నట్లు వాతావరణం కనబడుతోంది. పక్కా ప్రణాళికతో ఈసారి తెలంగాణ కాంగ్రెస్ పార్టీ కేసిఆర్ ని ఢీ కొట్టడానికి రెడీ అవుతున్నట్లు వార్తలు వస్తున్నాయి. ఈ సందర్భంగా టీపీసీసీ చీఫ్ అధ్యక్ష పదవి రేవంత్ రెడ్డికి కట్టబెట్టడానికి ఢిల్లీ హై కమాండ్ ఓకే అయినట్లు తెలంగాణ రాజకీయాల్లో గుసగుసలు వినబడుతున్నాయి.
రేవంత్ రెడ్డి మొదటి నుండి తెలుగుదేశం పార్టీలో ఉన్నా గాని తర్వాత కాంగ్రెస్ పార్టీలో వచ్చిన గాని కేసిఆర్ ని ఆయన కుటుంబాన్ని టార్గెట్ చేసుకుని రాజకీయాలు చేస్తూనే ఉన్నారు. చాలామంది తెలంగాణ రాష్ట్రంలో కాంగ్రెస్ పార్టీని అభిమానించే మద్దతుదారులు కేసీఆర్ లాంటి బలమైన నాయకుడిని ఎదుర్కోవాలంటే ఓడించ బలం కలిగిన నాయకుడు కాంగ్రెస్ పార్టీలో దమ్మున్న వాడు రేవంత్ రెడ్డి మాత్రమే అని బలంగా నమ్ముతున్నారట.
దీంతో హై కమాండ్ కి కాంగ్రెస్ పార్టీలో ఉన్న సీనియర్లు రేవంత్ రెడ్డికి వ్యతిరేకంగా ప్రచారం చేస్తున్నా గాని ఢిల్లీ పెద్దలు మాత్రం ఈసారి పీసీసీ చీఫ్ పదవి రేవంత్ రెడ్డికి కట్టబెట్టడానికి రెడీ అయినట్లు తెలంగాణ కాంగ్రెస్ పార్టీలో పలువురు చర్చించుకుంటున్నారు. మరికొద్ది రోజుల్లో రేవంత్ రెడ్డికి పిసిసి చీఫ్ పదవిని కట్టబెట్టి కేసిఆర్ పై అస్త్రంగా వదలటానికి ఢిల్లీ కాంగ్రెస్ రెడీ అవుతున్నట్లు సమాచారం.
